Urkunde Nr. 2714 aus Band V

Seite im UB:

303-304

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 129.

Druckvorlage:

nach Original

Abdruck als:

Volltext

Sprache:

Latein

---

2714

Ofen 1450 Juli 3 Johannes von Hunyad, Gubernator von Ungarn, ersucht alle Grossen des Reiches und ihre Zolleinnehmer sowie alle Stadt- und Ortsrichter, trotz dem Betreiben des Kowachbiro von Stuhlweissenburg gegen die Hermannstädter Kaufleute nichts zu unternehmen, da dieser auch vor dem Bürgermeister und Rat von Hermannstadt sein Recht finden werde.

Nos Johannes de Hwnyad regni Hungariae gubernator et cetera vobis universis et singulis nobilibus praelatis, baronibus, comitibus, castellanis, ipsorumque officialibus et tributariis ac vicetributariis item civitatum, oppidorum et villarum rectoribus iudicibus scilicet et villicis praesentium notitiam habituris firmiter praecipientes mandamus, quatenus habita praesentium notitia cives civitatis Czybiniensis ac res et bona ipsorum cuiuscumque speciei et maneriei existant, inter ambitum huius regni et partium sibi subiectarum ad instantiam circumspecti Kowachbyronis in civitate Albaregalis commorantis et aliorum quorumcumque hominum non obstantibus aliis literis nostris harum in contrarium cuipiam datis vel dandis quibuscumque arestare seu prohiberi facere non debeatis nec sitis ausi modo aliquali. Quoniam nos eosdem cives Czybinienses assecuravimus ad exercenda ipsorum negotia cum ipsorum rebus et bonis hincinde pro victuum ipsorum necessaria acquisitione proficiscentes. Si praefatus Kowachbyro vel alii¹⁾ homines contra praefatos²⁾ cives Czybinienses ratione cuiuscumque facti quidquam agere habent, ex tunc ipsi vel illi id con-[S. 304] tra eosdem in praesentia magistri civium ac iuratorum civium dictae civitatis Czybiniensis iuridice prosequantur. Ex parte quorum omnibus contra eos querulantibus iudicium et iustitia non deerit. Aliud ergo non facturi praesentibus perlectis exhibenti restitutis. Datum Budae secundo die festi visitationis beatae Mariae virginis gloriosae, anno domini M^o CCCC^o quinquagesimo.

Von der Kanzlei: Commissio propria domini gubernatoris.


1) s am Ende getilgt.^{^}
2) Gebessert aus praefatum. ^{^}