Urkunde Nr. 2715 aus Band V

Seite im UB:

304

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 130.

Druckvorlage:

nach Abschrift

Abdruck als:

Volltext

Sprache:

Latein

---

2715

Ofen 1450 Juli 4 Johannes von Hunyad, Gubernator von Ungarn, befiehlt dem Rat von Hermannstadt, dem gewesenen Bürgermeister Anthonius Trautenberger das beschlagnahmte Vermögen sofort zurückzustellen und in dieser Angelegenheit seine Anwesenheit in Hermannstadt abzuwarten.

Johannes de Hwnyad regni Hungariae gubernator et cetera prudentibus et circumspectis viris magistro civium ac iuratis senioribus et toti consilio civitatis Cibiniensis salutem cum honore. Datur nobis intelligi quod utique nobis audire displicuit, quomodo quidam vestri consocii puta iudex Lemmel et Richardus cum quibus aliis vestris concivibus his proxime praeteritis diebus universas res et bona circumspecti Anthonii Trawthenberger alias magistri civium vestrorum nullis suis culpis exigentibus et demeritis abstulissent et quo ipsorum placuisset voluntati fecissent, insuper universas domos et cameras domorum suarum consignassent debitoresque illos qui eidem¹⁾ Anthonio fuissent obligati prohibuissent alias quoque quam plurimas iniurias et nocumenta eidem intulissent et quod eundem de medio vestri tamquam infidelem eiecissent. Et quia nos dictum Anthonium in suis bonis praemissis ut praefertur per quempiam minusiuste et indebite privari nollumus, igitur dilectioni vestrae firmiter praecipiendo mandamus aliud habere nollentes, quatenus statim visis praesentibus universas et quaslibet res et bona antefati Anthonii per vos et alios quoslibet ablatas et recepta eidem reddere et reddi facere modis omnibus debeatis. Ubi praefatus Anthonius in aliquo²⁾ contra vos et commodum vestrum excessisset extunc nos propria nostra in persona brevi tempore venturo dum domino duce quam primum apud vos constituemur una vobiscum ipsum Anthonium et factum suum adiudicare volumus et unicuique iuxta meritum eiusdem iudicium et iusticiam administrabimus. De ceteroque nullum damnum nullamve iniuriam et impedimentum eidem inferre permittatis nec praesumatis, sed omnino pacifice et quiete in suis domibus ac rebus bonis vestri in medio existentibus manere permittatis, aliud non ausuri facere in praemissis. Praesentibus perlectis exhibenti restitutis. Datum Budae sabbato proximo post festum visitationis beatae Mariae virginis, anno domini millesimo quadringentesimo quinquagesimo.

Vom Schreiber: Copia.

Von der Kanzlei: Commissio propria domini gubernatoris. [S. 305]


1) Vorlage idem.^{^}
2) Hierauf vent durchgestrichen.^{^}