Urkunde Nr. 309 aus Band I

Seite im UB:

235-236 ^a)

Druckvorlage:

nach Original

Abdruck als:

Volltext

Sprache:

Latein

---

309

Poitiers [1307] Oktober 11 Papst Clemens V. bestätigt den zwischen den Pfarrern des Mediascher Dekanates und dem Weissenburger Kapitel betreffs des Zehnten abgeschlossenen Vergleich.

Clemens²⁾ episcopus servus servorum dei dilectis filiis . . decano decanatus de terra Medies ac rectoribus ecclesiarum in dicto decanatu consistentium Transiluanae diocesis salutem et apostolicam benedictionem. Cum a nobis petitur, quod iustum est et honestum tam vigor aequitatis quam [S. 236] ordo exigit rationis, ut id per sollicitudinem officii nostri ad debitum perducatur effectum. Exhibita si quidem nobis vestra petitio continebat, quod orta olim inter vos ex parte una et dilectos filios capitulum ecclesiae Albensis Transiluanae diocesis ex altera super quibusdam decimis, quas ad vos communiter dictumque capitulum ad se spectare asseritis, mataria quaestionis tandem mediantibus bonis viris quaedam inter partes amicabilis compositio intervenit venerabilis fratris nostri Petri episcopi Transiluani ad id accedente consensu, prout in patentibus literis inde confectis ipsius episcopi sigillo munitis plenius dicitur contineri. Nos itaque vestris supplicationibus inclinati compositionem ipsam, sicut rite sine pravitate ac provide facta est et ab utraque parte sponte recepta et hactenus pacifice observata et in alterius praeiudicium non redundat, ratam et gratam habentes, eam auctoritate apostolica confirmamus et praesentis scripti patrocinio communimus. Nulli ergo omnino hominum liceat hanc paginam nostrae confirmationis infringere vel ei ausu temerario contraire. Si quis autem hoc attentare praesumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Pictauis, V Idus Octobris, pontificatus nostri anno secundo.

V ^c)
Auf der Rückseite: Rogerius de Rocca.
Auf der Rückseite auf dem unteren umgebogenen Pergamentrand: R^ta Anton.^d)


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 235 (1 zu voranstehender Urkunde).^{^}
b) Im UB Abbildung der Bulle Clemens V. auf Tafel I, Bild 2 und 3 unten als »Abb.^{^}
c) Über V Abkürzungsstrich.^{^}
d) Über n Virgel.^{^}

2) Verlängerte Schrift.^{^}

Abb.