Urkunde Nr. 310 aus Band I

Seite im UB:

236-237

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

310

1307 November 1 Das Weissenburger Kapitel bezeugt, dass Jeclinus aus Vajasd einen Mühlantheil daselbst für zwei Mark an Magister Elyas verkauft hat.

Capitulum Albensis ecclesiae beati Michaelis archangeli Transiluanae omnibus Christi fidelibus salutem in omnium salvatore. Quoniam [ ]¹⁾ provisionis fortuitis eventibus diligens industria plerumque opprimitur et oppressa damnum generat vivacisque memoriae robur suffocat et exstinguit, provida vult ratio, ut vincat veritas, dum fuerit propalata et perennis, testimo[nio] non corruat casibus casualiter oppressivis. Proinde noverint universi tam praesentes quam futuri, quod Jeclinus filius Walterii quondam iobagionis nostri de Woiasd cum Bertolpho et Marsilio fratribus suis pro se et pro Herrico fratre ipsorum comparentibus ab una parte et magistro Elya archidiacono de Hunad concanonico nostro ex altera coram nobis personaliter constitutis, idem Jeclinus portionem suam de molendino dicti magistri Elyae, quod habet super fossatum fluvii Gald subtus pontem lapideum Woiasd, quam in eodem molendino se contingentem esse dicebat, in [S. 237] tertia parte eiusdem molendini, quam tertiam partem dicti molendini primitus Bertholphus, Marsilius et Herricus fratres sui praelibati in absentia sua, sicut dixit, eidem magistro Elyae pro novem marcis fini argenti vendiderunt, dicto Bertolpho et Marsilio fratribus suis praesentialiter coram nobis astantibus et consentientibus vendidit et locavit ipsi magistro Elyae pro duabus marcis, plene habitis sicut dixit et perceptis per eundem iure perpetuo et irrevocabiliter possidendam, tenendam pacifice et habendam. Et insuper idem Jeclinus confessus est, per dictum magistrum Elyam in omnibus sibi esse satisfactum de molendino memorato. In cuius rei testimonium et robur perpetuum, ne ea quae sunt ordinata inter partes praedictas ullo tempore possint per quempiam retractari et irritari, ad instantiam et petitionem utriusque partis literas nostras concessimus praesentes sigilli nostri munimine roboratas. Datum in die omnium sanctorum, anno domini M^o. C^o C^o C^o. septimo. Gregorio praeposito ecclesiae nostrae, Thoma cantore, Vincencio custode, Gregorio decano existentibus.


1) Lücke, 1.3 Centimeter breit. ^{^}