Urkunde Nr. 2751 aus Band V

Seite im UB:

325-326

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1296 - Abt.45: K. A. Treppen [Parohia Ev. CA Tărpiu], Nr. 8.

Druckvorlage:

nach Original

Abdruck als:

Volltext

Sprache:

Latein

---

2751

1451 Oktober 17 Georg, Vizewoiwode von Siebenbürgen, bezeugt, dass die Vertreter der Gemeinden Mettersdorf und Treppen zu Thorenburg den Rest der Kaufsumme in der Höhe von 700 Goldgulden für die Prädien Chege, Bochonva, Fatha und Thewkes an die bisherigen adligen Besitzer bezahlt haben.

Nos Georgius Rycalph de Tharkew, vivevaivoda Transsiluanus, memoriae commendamus tenore praesentium significantes quibus expedit universis, quod nobis unacum partium Transsiluanarum nobilibus in octavis festi beati Michaelis archangeli¹⁾ nobiscum in iudicio existentibus Martinus Weynrich, Gaspar Rewdel, Stephanus Smyth, Laurencius Sustor de Therpen, item Johannes Angeskyn, Andreas Klops, alter Andreas Breyfor et Petrus Rewder de Nagdemether ab una parte siquidem ex alia Sigismundus filius Blasii fili Ladislai dicti Henke²⁾ et Johannes filius eiusdem Ladislai de Gergfalwa, Ladislaus filius Stephani filii Gerew de Zamosfalwa ex nobili domina Anna vocata filia praefati Ladislai Henke²⁾ progenitus ac Johannes et Ladislaus filii Stephani de Zalahaza a nobili domina similiter Anna nuncupata filia quondam Petri filii Keresthyen³⁾ de Zegew procreati necnon Michael⁴⁾ filius Nicolai filii Gerew de Wasarhel et Nicolaus de Somogyon pro nobilibus dominabus Elena⁵⁾ ipsius Michaelis et Potencia vocatis ipsius Nicolai consortibus filiabus videlicet quondam nobilis dominae Veronica nuncupatae relictae quondam Sigismundi de Bakay⁶⁾ et Johannes filius eiusdem dominae Veronicae, Demetrius de Fforro, Jacobus de Chesthwe⁷⁾ pro nobili domina consorta sua filia praefati Ladislai Henke²⁾ necnon Laurencius de Wessewd pro nobili domina consorte sua filia eiusdem dominae diliae Ladislai Henke²⁾ et Gaspar de Mochz pro nobili domina Katherina vocata filia praefatae dominae Annae matris utputa praenarrati Ladislai filii Stephani fili Gerew personaliter nostram venientes in praesentiam in ipsorum cunctorumque prolium ac fratrum et consanguineorum generationumque suorum factum subnotatum quomodolibet tangentium et concernentium personis oneribus et quibusvis gravaminibus eorundem si iidem in subnotandis persistere nollent penitus et per omnia super sese ac universas possessiones portionesque et iura possessionaria necnon cunctas eorum res et bona assumptis et receptis per eosdem spontanea eorum voluntate confessum extitit pariter et relatum in hunc modum. Quod quia praelibati Martinus Weynrich, Gaspar Rewdel, Stephanus Smyth, Laurencius Sustor de Therpen, item Johannes Angesken, Andreas Klops, alter Andreas Breyfor et Petrus Rewder de Nagdemether in ipsorum ac singulorum et universorum hospitum et incolarum to-[S. 326] tiusque communitatis de praedictis possessionibus Nagdemether et Therpen septingentos florenos puri auri in supplementum ac ultimam et plenariam solutionem duorum milium florenorum auri iuxta formam et seriem literarum magnifici Reynoldi de Rozgon Siculorum comitis et quondam egregii Marci de Hereppe alias similiter vicevaivodae Transsiluani fassionalium pariter et obligatoriarum pro praediis Chege, Bochyona, Ffatha et Thewkes sub obligaminum et gravaminum vinculis in praenarratis literis fassionalibus et obligatoriis clarius specificatis in praesentibus octavis festi beati Michaelis archangeli persolvere debentes eisdem nobilibus coram nobis benivole acceptantibus et levantibus persolvere curarunt plene et ex integro nostro in conspectu. Pro eo iidem Sigismundus filius Blasii fili Ladislai dicti Henke et alii praenominati praescripta praedia Chege, Bochyona, Ffatha et Thewkes cum cunctis utilitatibus et utilitatum integritatibus utputa silvis, nemoribus rubetis ac terris cultis et incultis, agris, fenilibus, pratis, montibus, vallibus, vineis et vinearum promontoriis, necnon aquis aquarumque decursibus sub veris et antiquis metis ac metarum limitibus et sub inclusionibus ad eadem praedia rite et de iure pertinentibus et pertinere debentibus eisdem Saxonibus de Nagdemether et Therpen perpetuo iure tenenda, possidenda pariter et habenda cum effectu remittentes eorumque manus de eisdem prorsus⁸⁾ excipientes eosdem Saxones de Nagdemether et Therpen de et super praemissis septingentis immo iam in toto duobus milibus florenis auri in diversis terminis et annis post sese successive persolutis reddidissent et commisissent quitos et expeditos atque per omnia absolutos pariter et satisfactos immo reddiderunt et commiserunt nostri in praesentia vigore praesentium mediante. Praesentibus ibidem Anthonio de Bethlen, Ladislao filio Thorda de Chaan, Beke de Iklod, Blasio et Johanne dictis Cherenj de Balasfalwa, Mathia de Zenthgergh, Michaele Fforro de Haporthon, Gaspar Magno de Bonchyda, Nicolao Pogan alias comite salium regalium de Thorda, Johanne de Badok ad praemissa specialiter rogatis et deputatis. Datum Thordae duodecimo die termini praenotati, anno domini millesimo quadringentesimo quinquagesimo primo.

Auf der Rückseite von einer Hand des 15. Jh. s: Litera nobilis Georgii Rykalph, vicecomitis Siculorum, super satisfactione praediorum ex parte Naddemeter et Terpen una cum quitantia.


1) Oktober 6.^{^}
2) 2. Orig. Hencke. [4x]^{^}
3) 2. Orig. Kereschyen. ^{^}
4) 2. Orig. Michaelis. ^{^}
5) 2. Orig. Helena. ^{^}
6) 2. Orig. Backay. ^{^}
7) 2. Orig. Cheschwe. ^{^}
8) Vorlage proorsus. ^{^}