Urkunde Nr. 2755 aus Band V

Seite im UB:

328

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 115.

Druckvorlage:

nach Original

Abdruck als:

Volltext

Sprache:

Latein

---

2755

Visk 1451 November 8 Der Gubernator Johannes von Hunyad ersucht die Kronstädter den fälligen Martinszins seinem Beauftragten Franciscus Literatus, Kastellan der Burg Hunyad, auszuzahlen.

Johannes de Hwnyad regni Hungariae gubernator et cetera prudentibus et circumspectis viris iudici, iuratis ceterisque civibus et incolis civitatis Brassouiensis salutem et dilectionem. Quia iam tempus exactionis proventus sancti Martini videlicet centum et quadraginta duarum marcarum cum pondere regis Belae de medio vestri provenire debentis instat, ad cuius exactionem egregium Ffranciscum Literatum castellanum castri nostri Hwnyad fore deputavimus, idcirco vestris dilectionibus harum serie firmiter praecipiendo mandamus, quatenus statim et incontinenti visis praesentibus praetactos proventus sancti Martini puta centum et quadraginta duas marcas cum pondere praetacto effective et absque ullo defectu iam nominato Ffrancisco Literato nostro castellano¹⁾ aut hominibus suis per eum ad id deputandis²⁾ dare et persolvere modis omnibus debeatis. Secus facere non ausuri. Praesentibus perlectis exhibenti restitutis.
Datum in villa Wysk feria secunda proxima ante festum beati Martini episcopi et confessoris, anno domini millesimo quadringentesimo quinquagesimo primo.


1) Hierauf pro ipsum durchgestrichen.^{^}
2) Hierauf depud durchgestrichen.^{^}