Urkunde Nr. 2758 aus Band V

Seite im UB:

332-333

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 115c.

Druckvorlage:

nach Original

Abdruck als:

Volltext

Sprache:

Latein

---

2758

Eisenmarkt 1451 Dezember 8 ^a) Franciscus Literatus, Kastellan von [Eisenmarkt /] Hunyad, ersucht die Kronstädter, dem Hunyader Archidiakon Martin den fälligen Martinszins auszufolgen.

Prudentes et circumspecti viri domini et amici nostri honorandi. Nuper per honorabilem Martinum archidiaconum de Hwnyad certas literas domini nostri gubernatoris super census sancti Martini de vestri medio fisco regio provenire debentes duximus transmittendas, cum quibus levationibus praefatus dominus noster gubernator maxime nos facit festinare. Ecce autem die hodierna denuo certum nostrum hominem, quem in certis nostris factis ad suam miseramus magnificentiam, remisit, per quem nobis intimat, quod modis omnibus in festo nativitatis domini proxime venturo¹⁾ cum ipsis censibus Budae apud suam magnificentiam constitui deberemus. Igitur petimus vestras dominationes et amicitias multum confidenter per praesentes²⁾, quatenus praetactum censum sancti Martini de medio vestri provenire debentem citius prout poteritis praelibato domino Martino plenarie et effective iuxta vestram consuetudinem reddere velitis, in quibus si festinatis cum eiusdem maximam complacentiam domino nostro gubernatori exhibebitis, quia ad redemptionem certorum castrorum, quae ab inimicis Bohemis rehabuit, exsolvere³⁾ opportebit festo nativitatis in praedicto. Ceterum petimus easdem vestras dominationes et amicitias, iura nostra exinde nobis evenire debentia reservare non velitis, sed proud vestra requirit consuetudo, eidem domino Martino administrare faciatis. Petimus insuper, quod ipsum dominum Martinum dum necesse fuerit cum ipso censu sequi⁴⁾ versus Hwnyad usque locum deputatum faciatis praefati domini nostri vaivodae ob respectum tandeque nostri serium amplio-[S. 333] ris. Datum in Hwnyad in festo conceptionis beatae Mariae virginis, anno domini M^o CCCC^o L^o primo.

Ffranciscus Literatus, castellanus de Hwnyad.

Auf der Rückseite Adresse: Prudentibus et circumspectis viris magistro civium iudicique et iuratis senioribus civitatis Brassouiensis dominis et amicis nostris sincere honorandis.


a) Ausstellungsort im UB als: Hunedoara.^{^}

1) Dezember 25.^{^}
2) Hierauf durchgestrichen praetac.^{^}
3) Vorlage ex solve. ^{^}
4) Hierauf hic durchgestrichen.^{^}