Urkunde Nr. 2761 aus Band V

Seite im UB:

334

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 49.

Druckvorlage:

nach Original

Abdruck als:

Volltext

Sprache:

Latein

---

2761

Kronstadt 1451 Dezember 28 Jakob, Titularbischof von Widdin, verleiht dem Heilig-Leichnam-Altar in der Kronstädter Marienkirche einen Ablass von 40 Tagen.

Nos Jacobus dei et apostolicae sedis gratia episcopus Buedouensis suffraganeusque Albensis per reverendum in Christo patrem et dominum dominum Matheum eiusdem Albensis ecclesiae et eadem gratia episcopum in pontificalibus generaliter constitutus tenore praesentium cunctis Christi fidelibus praesentibus pariter et futuris praesentes inspecturis salutem in salutis largitore. Pia mater ecclesia de animarum salute sollicita devotiones fidelium per quaedam munera spiritualia remissiones scilicet et indulgentias invitare¹⁾ consuevit ad debitum famulatus honorem deo et sacris diebus sibi dedicatis impendendum quanto crebrius illuc confluit populus christianus assiduis precibus salvatoris gratiam implorando tanto de bonorum suorum veniam percipere et gloriam regni coelestis mereatur consequi sempiternam. Cupientes igitur altare in honore corporis Christi constructum ac in ecclesia beatae Mariae virginis parochiali super lectorio collocatum congruis honoribus frequentari et a fidelibus iugiter venerari omnibus vere poenitentibus contritis et confessis qui in omnibus dominicis diebus quartis et sextis feriis ob honorem sanctae crucis necnon singulis sanctorum festivitatibus quae in districtu Brassouiensi celebres habentur in die vero corporis Christi et per totam eius octavam ad praefatum altare devotionis causa confluxerint orationes ibidem effuderint ac manus adiutrices porrexerint nos de omnipotentis dei gratia ac beatorum Petri et Pauli apostolorum auctoritate confisi in singulis praedictorum festivitatum et diebus quadraginta dierum indulgentias misericorditer in domino relaxamus. Ad quorum evidentiam sigillum nostrum annulare praesentibus est appensum. Datum in Braschouia in magna stuba dotis parochialis in die innocentum martirum, anno domini millesimo quadringentesimo quinquagesimo primo.


1) Vorlage innvitare. ^{^}