Urkunde Nr. 2781 aus Band V

Seite im UB:

349-350

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 135.

Druckvorlage:

nach Original

Abdruck als:

Volltext

Sprache:

Latein

---

2781

Hermannstadt 1452 Juli 1 Die Sieben Stühle bestätigen in dem Streit zwischen den Grafen und der Gemeinde Rotberg ihre Entscheidung von 1411 Nr. »1659 und sprechen den Grafen Lorenz, Peter und Jakob die strittigen Mühlenplätze von Neuem zu.

Nos Johannes Lemmel, comes Cybiniensis, Jacobus, magister civium, Johannes comes de Mergendal, sedis Schenk iudex regius, Johannes Zas, iudex regius sedis Mudenbach, Stephanus Leusch, magister civium Segeswariensis, Nicolaus Buddener, vicegerens iudicis regii, Valentinus Buddener, iudex terrestris et Michael Craws iuratus civis de eadem Segeswar, Nicolaus Ruse, iudex terrestris Cybiniensis, Petrus Molner, Johannes Craws et Laurentius Tirolt, iurati consules et Ladislaus Ffrenkel, villicus Cibiniensis, Jacobus Schrifft, iudex terrestris sedis Mollenbach et Jacobus Teufil, iuratus de eadem, Johannes Greb de Rukpas, Johannes Clare et Ladislaus Doppner iurati de eadem, comes Jacobus de Ruffomonte, Nicolaus Wessewder villicus de Insula Christiana, Michael Greb de Swynschir, Laurentius Greb de Doraws, Mychael Greb de Budendorff, Petrus Margarethe de Hamrodin, Stephanus Greb filius Nicolai de Ludas, Ladislaus Greb, iudex terrestris de Bros et Johannes Byro villicus de eadem, Stephanus Slemmer, iudex de Wyncz et Nicolaus Nasner, villicus de Rusmarkt ceterique iurati seniores septem sedium Saxonicalium partium Transsiluanarum memoriae commendamus tenore praesentium significantes quibus incumbit universis quod cum nos die datarum praesentium querulantium causas ad discutiendas in civitate Cybiniensi pariter fuissemus congregati, coram nobis personaliter constituti providi viri Stephanus Leusch, Petrus Leusch, Clos Weynber, Michael am Eck, Paulus auff der Bach, Michael ym Garten, Johannes Vorsan, Michael Barthusch, Bartholomeus Vombecher et Mathias Syfrid ipsorum et totius communitatis villae Rotbergh nominibus et personis tamquam actores ab una et circumspecti viri comes Laurentius, iudex regius sedis fori Ruthenorum, Petrus filius eius, iudex regius sedis Luschkirch ac comes Jacobus de eadem Rotbergh ut in causam attracti partibus ab altera, qui ratione et praetextu quorundam molendinorum locorum iuxta littus vulgariter Hochrech appellatum graves contra sese lites suscitarunt, super quibus litium materiis praelibati comites Laurentius, Petrus et Jacobus quasdam literas patentes sigillo nostro minori roboratas non vitiatas, non abrasas, non cancellatas neque in aliquibus suis partibus suspectas nobis exhibuerunt et praesentaverunt sic loquentes. (Folgt die Urkunde der Sieben Stühle von 1411 Nr. »1659). Nobis vero praefatarum partium propositionibus, responsionibus et approbatione ac praedictarum literarum serie auditis et intellectis eosdem comites Laurentium de Veresmorth, Petrum filium eius et Jacobum eorumque successores immo successorum posteros universos iuxta vim, formam et tenorem literarum praescriptarum conservare eosdemque in possessionem dominii et possessores locorum molendinorum praedictorum constituimus tenendos, habendos pariter et perpetuo iure possidendos sententia nostra [S. 350] diffinitiva mediante. In cuius rei testimonium praesentes nostras literas sigillo nostro maiori sub appensionis munimine roboratas duximus concendendas. Datum Cybinii in generali nostra congregatione, in vigilia visitationis gloriosissimae virginis Mariae, anno domini millesimo quadringentesimo quinquagesimo secundo.

(1) Von hier nach der Abschrift von Hirling in der Sammlung J . A . Zimmermann, Arh. St. Sibiu, Handschriftensammlung des Brukenthalmuseums.