Urkunde Nr. 2782 aus Band V

Seite im UB:

350-351

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inv. 32), Serie Z. U. I, Nr. 7.

Druckvorlage:

nach Original

Abdruck als:

Volltext

Sprache:

Latein

---

2782

Hermannstadt 1452 Juli 2 Die Sieben Stühle verbieten über Einschreiten der Weissgerberzunft den Hermannstädter Handschuhmachern und Taschnern den Lederhandel, stellen ihnen aber die Bearbeitung von Häuten und Fellen für die Bedürfnisse des eigenen Handwerks frei.

Nos Johannes Lemmel, comes Cybiniensis, Jacobus, magister civium eiusdem, comes Laurencius de Ruffomonte, sedis Rewsmarkt iudex regius, Johannes Zas, sedis Zassebes regius iudex, Johannes de Mergendal, iudex regius sedis Schenk, Petrus Laurencii de Ruffomonte, sedis Lewschkirch regius iudex, Stephanus Lusch, magister civium civitatis Segesburg, Nicolaus Bewdener, vicegerens regii iudici, Valentinus Bewdener, [iu] dex¹⁾ terrestris, Michael Craws, iuratus civis de eadem civitate Segesburg, Nicolaus Ruse, iudex terrestris sedis Cybiniensis, Ladislaus Frenkel, villicus, Johannes Craws et Petrus Moelner ac Laurencius Turolt, iurati consules de Cybinio praedicto, Jacobus Schrift, iudex terrestris de Muelenbach, et Jacobus Twefil, iuratus de eadem, Johannes Greb de Ruppas, Johannes Clare et Ladislaus Doepner iurati eadem, comes Jacobus de Ruffomonte, Nicolaus Wessewder, villicus de Insula Christiana, Greb Mychael de Swynschyr, Laurencius Greb de Doraws, Petrus Margarethe de Hamroden, Stephanus Greb filius Nicolai de Ludas, Ladislaus Greb, iudex terrestris de Bros et Johannes Byer, villicus de eadem, Stephanus Slemmer, iudex terrestris civitatis Alwyncz et Nicolaus Nassler, villicus de foro Ruthenorum ceterique iurati seniores septem sedium Saxonicalium partium Transsiluanarum memoriae commendamus tenore praesentium significantes quibus expedit universis, quodcum nos quaerulantium causas ad discuciendas in civitate Cybiniensi in congregatione simul eramus constituti, nostrae universitatis venerunt in praesentiam providi Jacobus et Martinus cuticularii ipsorum et cuticulariorum vulgo yricher czeche scilicet fraternitatis nominibus et personis civitatis Cybiniensis praedictae modo tali conquerentes: Quomodo cyrotecarii et bursatores eiusdem Cybinii contra ipsorum iura et laudandam consuetudinem cutes et pelles laborarent et praepararent laboratasque sic et praeparatas tam in civitate Cybiniensi quam extra mercatoribus et aliis hominibus in ligaturis, ligatis et ballis more ipsorum cuticulariorum ad voluntatem et beneplacitum eorum venderent et²⁾ venditioni traderent, quod nedum tantum ipsis sed et totius ipsorum³⁾ artificii generaret praeiudicium et damnum multum grave et manifestum. Supplicantes nobis praelibati cuticularii debita [S. 351] cum instantia, quatenus nos eisdem et eorum fraternitati de remedio superinde providere dignaremur opportuno. Nos vero quodlibet artificium in suis iustis iuribus ut tenemur conservare volentes politicam providentiam prae oculis habentes antiquis et approbatis consuetudinibus nollentes derogare decernimus et declaramus ac praesentium vigore statuimus stabilite observari quod a modo et deinceps praenominati cyrotecarii et bursatores nullam cutem seu pellem sive pelliculam vulgo yrich pro precio mercatoribus⁴⁾ seu aliis quibuscumque hominibus in et extra civitatem Cybiniensem vendere praesumant modo aliquali. Tot vero quot ad eorum artificia pelles et eiusdem artificii usum scilicet pro cyrotecis et bursis et clampendiis praelibati cyrotecarii et bursatores dinoscuntur indigere ipsi bursatores et cyrotecarii pelles seu cutes plenam laborandi habeant facultatem; transgressores vero huius nostri decreti propter priorem rebellionem per eosdem cyrotecarios et bursatores factam si per amplius ac huiusmodi opere non cesaverint totiens quotiens contra nostram declarationem facere praesumpserint semper in decem marcis fini argenti sine omni relaxatione mulctando pronuntiamus esse puniendos harum nostrarum vigore et testimonio literarum mediante. Datum Cybinii, in nostra generali congregatione nostro sub sigillo provinciali minori, festi visitationis gloriosissimae virginis Mariae, anno domini millesimo quadringentesimo quinquagesimo secundo.

Auf der Rückseite von der Kanzlei: Lecta per me Jacobum.


1) Lücke.^{^}
2) Hierauf nochmals et.^{^}
3) Über der Zeile nachgetragen.^{^}
4) Vorlage marcatoribus. ^{^}