Urkunde Nr. 2785 aus Band V

Seite im UB:

352

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 118.

Druckvorlage:

nach Original

Abdruck als:

Volltext

Sprache:

Latein

---

2785

Trentschin 1452 Juli 18 Der Gubernator Johannes von Hunyad verbietet den Kastellanen der Törzburg, die durchziehenden Rumänen und andere Kaufleute mit ungerechten Zollerhebungen zu belästigen.

Johannes de Hwnyad regni Hungariae gubernator et cetera egregiis viris castellanis castri Thewrch praesentibus et futuris praesentium notitiam habituris salutem cum favore. Datur nobis intelligi, quomodo vos super tributo seu telonio in suburbio dicti castri et civitate Thewrch exigi solito per homines viatores ac mercatores ipsum tributum pro victuum ipsorum acquisitione perlustrantes et signanter per Volahos contra eorum libertates per divos reges demum per nos ipsis concessas indebitum tributum exigeretis et extorqueri faceretis patentibus mediantibus iurisque eorum derogamen manifestum. Quare dilectionibus vestris serie praesentium firmissime praecipiendo mandamus et aliud habere omnino nolumus, quatenus super praefatos Volahos et aliquos quosvis viatores et mercatores homines contra eorum libertates indebitum tributum exigere seu exigi facere nusquam et nequaquam praesumatis nec sitis ausi modo aliquali. Secus enim vobis in praemissis facientibus quod non credimus praefatis Volahis nullum damnum contra eorum libertates exinde percipere volumus, sed¹⁾ eosdem in eorum libertatibus illaese et indemniter tenere et observare volumus. Secus igitur in praemissis non facturi. Praesentibus perlectis exhibenti restitutis. Datum in descensu nostro campestri sub fortalicio Derenchen feria tertia proxima festum divisionis apostolorum, anno domini millesimo quadringentesimo quinquagesimo secundo.


1) Hierauf edem durchgestrichen.^{^}