Urkunde Nr. 2797 aus Band V

Seite im UB:

358-359

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

2797

Ösi 1452 Oktober 24 Der Gubernator Johannes von Hunyad macht den Rat von Kronstadt mit der Einführung einer neuen Münze bekannt und verbietet den Umlauf anderer Geldsorten.

Johannes de Hwnyad regni Hungariae gubernator prudentibus ac circumspectis viris iudici iuratisque civibus Brassoviensibus ac toti communitati terrae Burciae praesentium notitiam habituris salutem cum omnis boni incremento. Nolentes vos ignorare, quomodo hoc regnum, sicuti ex diversarum guerrarum motibus, sic nihilominus ex replicata et multiplicata variatione monetarum existit depauperatum, cuius dissensionibus, sicuti in aliis sic et in his provi-[S. 359] dere occurerre volentes, matura deliberatione praehabite consilioque et consensu universorum praelatorum et baronum regni Hungariae ad id accedentium, unam novam et stabilem per totum hoc regnum currentem monetam fieri instituimus quam sicuti in ceteris civitatibus regni Hungariae sic et in medio vestrum cursum debitum habere, quem nunc Bwdae habet sortire volentes vestras dilectiones harum serie requirimus et hortamur nihilominusque committimus et mandamus, quatenus praescriptam novam monetam per camerarios nostros de Coloswar in medium vestri deferri et nullam aliam videlicet nec asparas neque monetam vaivodae Transalpinarum aut aliam aliquam antiquam monetam in contrarium huiusmodi praesentis monetae acceptare et cursum habere permittatis et permitti faciatis. Volumus etiam ut nullus omnino in medio vestri aurum, argentum aut aliquam antiquam monetam cambire et permutare ac ad aliena regna deportare praesumat modo aliquali. Harum autem in contrarium, si fecerint, quidpiam et in tali crimine cepti fuerint commisimus et harum serie committimus universis vicevaivodis, comitibus Siculorum, civitatensibus, oppidanis ac alterius cuiusvis status hominibus ut ipsi tales captivare captumque tamdiu conservare donec a nobis superinde aliud habuerint in mandatis omniumque rerum et bonorum talium duas directas partes nostris camerariis cusionis monetarum regalium de Coloswar, aut eorundem hominibus ad id deputatis assignare tertiam vero partem sibi ipsis retinere debeant et teneantur. Secus igitur non facturi in praemissis. Praesentibus perlectis exhibenti restitutis. Datum in Ewsy feria tertia proxima ante festum beatorum Simonis et Judae apostolorum, anno domini millesimo quadringentesimo quinquagesimo secundo.

Von der Kanzlei: Commissio propria domini gubernatoris.