Urkunde Nr. 2801 aus Band V

Seite im UB:

362-363

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 36.

Druckvorlage:

nach Original

Abdruck als:

Volltext

Sprache:

Latein

---

2801

Thorenburg 1452 Dezember 4 Die siebenbürgischen Vizewoiwoden Georg und Bronislaus bezeugen die zwischen der Gemeinde Dürrbach und den Adligen von Galaţi zustandegekommene Grenzvereinbarung.

Nos Georgius filius Rycalph de Tharkw et Bronislaus vicevaivodae Transsiluani memoriae commendantes tenore praesentium significamus quibus expedit universis, quod nobis unacum partium Transsiluanarum nobilibus die dominica proxima post festum beati Andreae apostoli¹⁾ pro quibusdam harum partium negotiorum expeditionibus necessario perficiendis, Thordam convenientibus, Nicolaus de Mathe et Osualdus filius Iwanka de < pro>²⁾ parte Saxonum de Dypse, necnon Gregorius de Ffratha et Emericus Kakas de Bothaza pro parte Ladizlai et Johannis de Galaz, item infrascripti iudices arbitrii per ipsas partes aequali numero electi nostram personaliter venientes in praesentiam per ipsos confessum extitit pariter et relatum in hunc modum quod ipsis die dominica proxima post octavas beati Michaelis archangeli proxime praeteritas³⁾ ex deductione partium antedictarum, ad faciem cuiusdam terrae litigiosae inter praescriptas possessiones de Galaz et Dypse apparentis [S. 362] accessissent ibique praesentialiter adhaerentibus Nicolao Ffarkas de Harynna necnon Janka filio Symonis de Ews, Benedicto de Bongarth ac Osualdo de eadem commetaneis item Michaele de Bwdak, Johanne de dicta Mathe, Georgio dicto Zenthes de Ffratha, Philippo Zantha de Nowah et Andrea Zenthes de dicta Bothaza vicinis praescriptae possessionis Galaz item Petro Herthel iudice de Bystercia necnon quibusdam iuratis civibus de eadem et de singulis possessionibus et villis ad dictam civitatem Bysterciensem pertinentibus in districtu Karalyah existentibus singulis duobus hominibus per villanos communiter electis, super factu huiusmodi terrae litigiosae ipsis diutius tractantibus praescriptam terrae litigiosae particulam ad dictam possessionem Dypse sequestrassent. Ita tamen quod milium terra in eadem seminatum praetactis nobilibus de Galaz assignassent, decimas tamen consuetas de eodem milio plebano de eadem Dypse dedissent, a praetactis quoque vicinis et commetaneis necnon annotatis populis et hominibus Saxonicae nationis pro tunc inibi adhaerentibus diligenter inquirendo talem de subscriptis certudinis indagassent veritatem, quod semper et ab antiquo rivulus⁴⁾ aquae de possessione Fferejeghaz descendens et subtus dictam possessionem Dypse in rivulum²⁾ Lekenczepathaka ingrediens inter annotatam possessionem Galaz et praescriptam possessionem regalem Dypse perpetualis meta fuisset, qua scita veritate eundem rivulum⁴⁾ inter possessiones antedictas pro meta perpetuali ambabus partibus volentibus ac penitus nullomodo contradicentibus relinquissent et commisissent. In cuius rei memoriam firmitatemque perpetuam praesentes literas nostras privilegiales duximus concedendas. Datum secundo die termini praenotati in loco memorato, anno domini millesimo quadringentesimo quinquagesimo secundo.


1) Dezember 3.^{^}
2) Lücke 1,2 cm. [2x]^{^}
3) Oktober 8.^{^}
4) Vorlage rywlus, -um. [2x]^{^}