Urkunde Nr. 2813 aus Band V

Seite im UB:

371-372

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 137.

Druckvorlage:

nach Original

Abdruck als:

Volltext

Sprache:

Latein

---

2813

Pressburg 1453 Februar 1 König Ladislaus befiehlt den Kammergrafen von Salzburg, den Sachsen der Sieben Stühle den auf drei Festtage eingeschränkten freien Bezug von Kleinsalz als ein altes Vorrecht nicht zu verwehren.

Von der Kanzlei: Commissio domini regis.

Ladislaus dei gratia Hungariae, Bohemiae, Dalmaciae, Croaciae et cetera rex ac Austriae et Stiriae dux necnon marchio Morauiae et cetera fidelibus nostris comitibus camararum salium nostrorum de Wyzakna ac eorum camarariis et vicecamarariis nunc constitutis et in futurum constituendis praesentium notitiam habituris salutem et gratiam. Ex informatione fidelis nostri dilecti spectabilis et magnifici Johannis de Hwnyad pridem regnis nostrae Hungariae gubernatoris nunc vero comitis perpetui Bystriciensis sumus certitudinaliter informati, quomodo libertatibus iurium et privilegiorum praerogativis fidelium nostrorum universorum Saxonum septem sedium Saxonicalium partium nostrarum Transsiluanarum per divos reges Hungariae nostros scilicet praedecessores eis gratiose concessis requirentibus, eisdem nostris Saxonibus et cuilibet ipsorum ab illo semper tempore, cuius contrarium hominum non apprehendit memoria, in praedictis camaris salium nostrorum de Wyzakna sales mylyae vocatos pro sustentatione domorum ipsorum necesarios singulis festivitatibus beatorum Georgii martiris, Stephani regis et Martini episcopi et confessoris dari et assignari fuisset assuetum absque omni contradictione. Unde nos dictos nostros Saxones praedictis eorum libertatibus, iurium et consuetudinum praerogativis sicuti nostrorum praedecessorum et praesertim avi et patris nostrorum regum Hungariae temporibus usi fuerunt, sic et nostri regiminis tempore uti, frui et gaudere volentes, vestrae fidelitati firmiter praecipimus et mandamus, quatenus rebus praemisso modo stantibus et se habentibus praefatis Saxonibus nostris praescriptos sales mylyae vocatos [S. 372] iuxta eorum antiquas iurium approbatorum praerogativas in praefatis singulis festivitatibus more ab antiquo consueto extradare et assignare extradarique et assignari facere debeatis renitentia et recusa sine omni. Et aliud nullo modo facere praesumatis gratiae nostrae sub obtentu. Praesentes perlectas iterato iubemus reddi praesentanti. Datum Posonii in profesto purificationis Mariae virginis gloriosae, anno domini millesimo quadringentesimo quinquagesimo tertio, regni autem nostri anno tredecimo.