Urkunde Nr. 2817 aus Band V

Seite im UB:

373-374 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 10: Stadt Schässburg [Primaria Municipiului Sighisioara], Urkunden Nr. 9.

Druckvorlage:

nach Original

Abdruck als:

Volltext

Sprache:

Latein

---

2817

1453 Februar 2 König Ladislaus verbietet den Kammergrafen von Sic und Besch, die Sachsen von Stadt und Stuhl Schässburg zu verhindern, Salz aus dem Szeklerland einzuführen und damit Handel zu treiben. [S. 373]

Von der Kanzlei: Commissio domini regis.

Ladislaus dei gratia Hungariae, Dalmaciae, Croaciae et cetera rex Austriaeque et Stiriae dux necnon marchio Morauiae fidelibus nostris comitibus camerarum salium nostrorum de Zeek et Dees ac eorum camerariis et vicecamerariis nunc constitutis accedentes conspectum fideles nostri providi Stephanus Lewsch modernus et Johannes Aurifaber pridem magistri civium civitatis nostrae Segeswar vocatae in eorum ac universorum iuratorum civium seniorum et ceterorum Saxonum nostrorum eiusdem civitatis ac sedis Segeswariensis nominibus et in personis nobis exposuerunt multum querulose, quod licet ipsi ex divorum regum Hungariae nostrorum scilicet praedecessorum et praesertim serenissimorum principum dominorum Sigismundi imperatoris avi et Alberti regum patris nostrorum carissimorum gratiosa concessione et annuentia semper et ab antiquo et praesertim tempore quondam comitis Piponis de Ozora sales terrae Siculorum nostrorum in dictas civitatem et sedem Segeswarienses ac in ipsorum medium apportare et conducere ibidemque vendere ac eiusdem salibus et non aliis uti et frui consueverint. Tamen post mortem praefatorum avi et patris nostrorum camerarii et vicecamerarii praedictarum camerarum salium nostrorum de Zeek et Dees ac eorum homines et familiares contra praescriptas dictorum exponentium libertates, domos et habitacula earundem vi et potentialiter perquirentes universos sales terrae Siculorum quos in praenotatis civitate et sede ac in ipsorum medio tam in foris annualibus et ebdomalibus quam in huiusmodi eorum domibus et habitaculis propriis reperissent pro se abstulissent et aufferre facerent incessanter in ipsorum praeiudicium et iuris derogamen satis magnum. Unde nos eos per amplius per neminem camerariorum contra praetactas eorum libertates quibus temporibus in praescriptis et signanter temporibus avi et patris nostri usi fuerunt et gaudere deberent in praesentiarum impedire nollentes vestrae fidelitati firmiter praecipimus et mandamus, quatenus praemissis sic uti superius nostrae narrata sunt maiestati stantibus et se habentibus alio nostro mandato superinde non expectato a modo in antea annotatos sales terrae Siculorum in praetactis civitate et sede Segewariense ac in ipsorum exponentium medio prout et quemadmodum praescriptorum avi et patris nostrorum ac comitis Piponis temporibus fuit consuetum conducere et apportare inibique vendere et venditioni exponere permittatis et permitti faciatis ipsis exponentibus aut alteri eorum contra praemissas eorum libertates nullum impedimentum seu quascumque molestias, iniurias et nocumenta inferendum et faciendum quovismodo et aliud nullomodo facere praesumatis gratiae nostrae sub obtentu . Praesentes quoque post earum lecturam reddi iubemus praesentanti. Datum Posonii in festo purificationis virginis gloriosae, anno domini millesimo quadringentesimo quinquagesimo tertio, regni autem nostri anno tredecimo.

Unter dem Siegel von der Kanzlei: Commissio domini regis ex deliberatione consiliariorum.


a) Seitenumbruch nach Kopfregest.^{^}