Urkunde Nr. 2829 aus Band V

Seite im UB:

384-385

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. IV (Inventar 25), Nr. 502.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2829

Wien 1453 März 2 König Ladislaus beauftragt das Weissenburger Kapitel die Sachsen der Sieben Stühle in den Besitz der Herrschaft Talmesch einzuführen.

Ladislaus dei gratia Hungariae, Bohemiae, Dalmaciae, Croaciae et cetera rex Austriaeque et Stiriae dux, necnon marchio Moraviae et cetera fidelibus nostris capitulo ecclesiae Transsilvanensis salutem et gratiam. Cum nos pro fidelibus servitiis fidelium nostrorum Saxonum septem sedium partium nostrarum Transsiluanarum castrum nostrum regale Tholmach vocatum in comitatu Albense earundem partium nostrarum Transsiluanarum situm, cum turri Weresthoron tributoque inibi exigi solito ac castro Lothorwar vocatis necnon oppido similiter Tholmach villisque et possessionibus Kystolmach, Boycza, Plopy, Porchesd, utraque Sebes ac praedio Creuczerfelth appellatis necnon medietate villae Rewke nuncupatae similiter in comitatu Albense existentibus aliis etiam cunctis villis et iuribus possessionariis ad praedictum castrum de iure spectantibus ipsiusque et earundem utilitatibus et pertinentiis quibuslibet ad praefatas septem sedes nostras Saxonicales in perpetuum et irrevocabiliter annexerimus et eisdem septem sedibus incorporavimus et quo Saxones earundem septem sedium praesentes et futuri huiusmodi castra, turrim, villas et possessiones ipso iure pro nobis et pro sacra corona nostra teneant et gubernent, sicuti tenent civitates, oppida et villas in terris dictarum septem sedium existentes, volumusque praefatos Saxones nostros in ipsorum et earundem dominium per nostrum et vestrum homines legitime facere introduci. Igitur fidelitari vestrae firmiter praecipimus et mandamus quatenus vestrum mittatis hominem pro testimonio fidedignum, quo praesente Stephanus vel Ladislaus de Hwzywtelke, aut Johannes sin Ladislaus de Kerek seu Georgius Thabiasy sive Michael de Almas neve Laurencius seu Thomas de Bolya aliis absentibus homo noster, per nos de curia nostra regia ad id specialiter deputatus ad facies praedictorum castrorum ac turris villarumque et pertinentiarum earundem vicinis et commetaneis ipsorum et earundem universis convocatiset praesentibus accedendo introducat praefatos Saxones in dominium ipsorum et earundem statuatque eadem et ipsas eisdem praemisso iure perpetue et irrevocabiliter possidendum. Si non fuerit contradictum, contradictores vero, si qui fuerint evocet ipsos contra annotatos nostros Saxones in praesentiam vaivodae dictarum partium nostrarum Transsiluanarum ad terminum competentem rationem contradictionis eorum reddituros. Et post haec huiusmodi introductionis et statutionis seriem cum contradictorum et evocatorum, si qui fuerint, vicinorumque et commetaneorum, qui praemissae statutioni intererunt, nominibus termino- [S. 385] que assignato praefatis vaivodae more solito rescribatis. Datum Wyennae feria sexta proxima post festum beati Mathiae apostoli, anno domini millesimo quadringentesimo quinquagesimo tertio.