Urkunde Nr. 2830 aus Band V

Seite im UB:

385

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

2830

1453 März 7 Der Konvent von Kolozsmonostor bezeugt, dass das Weissenburger Kapitel gegen die königliche Verleihung der dem Kapitel vermachten sächsischen Besitzungen Sebesei / Kleinmühlbach, Spring und Draşov / Troschen und der zur Herrschaft Sebeşel / Kleinmühlbach gehörenden vier rumänischen Orte an Johannes von Hunyad und Johannes Gereb von Weingartskirchen Einsprache erhoben hat.

Nos conventus monasterii beatae Mariae virginis de Colosmonostora memoriae commendamus, quod honorabilis vir magister Blasius de Selk decanus et canonicus ecclesiae Transsiluanae in sua ac totius capituli dictae ecclesiae Transsiluanae personis ad nostram veniens praesentiam, nobis per modum protestationis et prohibitionis significari curavit per hunc modum, quod prout idem capitulum percepisset et ad ipsius devenisset notitiam magnificus dominus Johannes de Hwnyad alias regni Hungariae gubernator quasdam tres possessiones Saxonicales Kyssebes, Spreng et Drasso vocatas, ac alias quatuor villas Wolahykales, ad praedictam possessionem Kyssebes pertinentes, in comitatu scilicet Albensi existentes et habitas, quae quondam egregii Michaelis filii Salomonis de Nadasd praefuissent quas siquidem possessiones idem Michael ad huc ipso sano existente et etiam in ultima voluntate sua ob refrigerium animae suae, praedicto capitulo testamentaliter legavisset atque scripsisset. Super quaquidem legatione et dispositione praetactum capitulum consensum regium serenissimorum principum dominorum utputa Lodouici et Sigismundi imperatoris beatorum recordationum, divorum scilicet regum dicti regni Hungariae haberet ut quilibet nobilis¹⁾ aut possessionati homines liberam habeant facultatem quaslibet possessiones ipsorum ac alia bona dicto capitulo legandi a serenissimo principe domino Ladislao dei gratia moderno rege regni Hungariae et cetera egregio viro Johanni Gereb de Wyngarth impetrasset perpetue possidendas et tenendas in praeiudicium et dampnum saepefacti capituli valde ingens. Facta itaque huiusmodi protestatione memoratus magister Blasius suo ac praetacti capituli nominibus iam dictum dominum regem Ladislaum a donatione collationeque ac ad manus alienas traditione praedictarum possessionum annotatos vero Johannem de Hwnyad alias gubernatorem regni Hungariae ac alterum Johannem Gereb de Wyngarth et alios quoslibet ab impetratione, receptione, occupatione, detentioneque atque sibi ipsis usurpatione ac statuifactione seque ipsos in dominium earundem quovis quaesito colore intromissione fructuumve et quarumlibet utilitatum earundem perceptione seu percipifactione qualitercumque factis vel fiendis prohibuit contradicendo et contradixit inhibendo, lege et consuetudine regni requirente coram nobis harum nostrarum testimonio literarum mediante. Datum feria quarta proxima post dominicam Oculi, anno domini millesimo quadringentesimo quinquagesimo tertio. [S. 386]


1) So Vorlage.^{^}