Urkunde Nr. 2832 aus Band V

Seite im UB:

387-388

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 143.

Druckvorlage:

nach Original

Abdruck als:

Volltext

Sprache:

Latein

---

2832

Wien 1453 März 13. König Ladislaus versichert die Sachsen der Sieben und Zwei Stühle, des Burzenlandes und der Stadt Klausenburg und von Winz, dass er sie von der ungarischen Krone nie trennen und verschenken, sondern ihre erworbenen Rechte achten werde.

Ladislaus dei gratia rex Hungariae, Bohemiae, Dalmaciae, Croaciae et cetera ac Austriae et Stiriae dux necnon marchio Morauiae et cetera fidelibus nostris sincere dilectis nobilibus et egregiis ac circumspectis comitibus, magistris civium, iudicibus, iuratis senioribus civibus ac ceteris Saxonis septem sedium Saxonicalium item aliarum duarum sedium, videlicet Selk et Megyes ac terrae Barczensis civitatisque Clwswar et oppidi Wyncz vocatarum partium nostrarum Transsiluanarum salutem gratiamque nostram regiam et omne bonum. Vestra laudanda meritorum et fidelitatum obsequia, strennuaque gesta et opera, quibus a retroactis temporibus, sicuti a certo didicimus sacrae regni nostri Hungariae coronae avoque et genitori nostris in variis exercitualibus expeditionibus contra saevos Teucros Christi fidei aemulos cum quam plurimorum fratrum et consanguineorum vestrorum nece et sanguinis effusione studuistis complacere nos alliciunt et inducunt, ut vos qui semper unum fuistis esseque debeatis indivisi, regis amplecti favoribus et specialibus gratiarum praerogativis et ad omnia, quae utilitatis et vestrae manutenendae libertatis sunt, nos vestris fidelitatibus reddere promptos et paratos gratiose. De quibus ut vestra fidelitas certa soliditate confirmetur, sicuti predecessores nostri divi reges Hungariae vobis septem sedibus, vigore autenticarum literarum ipsorum promittendo polliciti sunt et assecurarunt, sic et nos pollicentes assecuramus vestras fidelitates, quod de manibus nostris regiis et a sacra regni nostri Hungariae corona vos ac praedictas septem sedes necnon alias duas sedes Selk et Megyes ac terram Barczensem civitatemque Clwswar et oppidum Wyncz aliasque civitates, oppida, villas et territoria ad easdem spectantes nequaquam alienabimus neque alicui hominum cuiuscumque status, conditionis aut praeeminentiae existat, conferendo donabimus aliquomodo, sed in omnibus vestris iuribus, iurisdictionis libertatibus, consuetudinibus et gratiarum praerogativis quibus a divis regibus Hungariae nostris videlicet praedecessoribus insigniti usi fuistis et gavisi, sed et in castro Tholmach vocato ac eiusdem pertinentiis, quemadmodum per nostram maiestatem ad praefatas septem sedes annexum et appropriatae existunt, perpetue et irrevocabiliter tenere volumus et conservare atque facere conservari, decernentes per expressum, ut literae nostrae aut aliorum quorumcumque contra vestrorum iurium libertates ac privilegia, consuetudines ac gratiarum praerogativas qualitercumque emanatae seu emanandae nullius sint vigoris seu firmitatis et per earundem non observatione vobis non imputabimus modo aliquali. In cuius rei memoriam firmitatemque perpetuam praesentes concessimus literas nostras pendentis secreti sigilii nostri munimine roboratas. Datum Wyennae secundo die festi beati Gregorii papae, anno domini millesimo qua- [S. 388] dringentesimo quinquagesimo tertio, regni autem nostri anno tredecimo.

Unter der Plica links von der Kanzlei: Commissio domini regis per dominum comitem et Vlrici Eytzinger consulationem.

Auf der Rückseite von einer Hand des 15. Jh.s: Ut in omnibus libertatibus septem sedes servantur.