Urkunde Nr. 2840 aus Band V

Seite im UB:

392-392 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

2840

1453 April 20 Der Konvent von Kolozsmonostor bezeugt, dass das Weissenburger Kapitel gegen die Einführung des Johann Gereb von Weingartskirchen in [S. 393] den Besitz von Spring, Draşov / Troschen und Sebeşel / Kleinmühlbach samt Zubehören Einsprache erhoben hat.

<Nos co>¹⁾ nven<tus>²⁾ monaster<ii be>atae²⁾ Mariae virginis de Clusmonostra memoriae commendamus, quod honorabilis vir magister Gregorius de Lyppa canonicus ecclesiae Albensis Transsiluanae in sua ac universorum dominorum de capitulo ecclesiae praedictae personis nostram veniens in praesentiam, per modum protestationis et prohibitionis nobis significare curavit in hunc modum, quomodo egregius Johannes Gereb de Wyngard ipsos de dominio possessionum ipsorum Spreng, Drasso et Kyssebes vocatarum ac pertinentiarum earundem in comitatu Albensi existentium potentialiter eiecisset et expulisset easdemque sibi ipsi minus iuste et indebite occupasset et occupatas huiusque usus fuisset utereturque etiam de praesenti potentiam mediante. Tandem medio tempore idem Johannes Gereb easdem a serenissimo principe domino Ladislao rege Hungariae et cetera sibi ipsi dare, donare et conferre procurasset seu procurari fecisset seque feria quinta proxima ante festum beatorum Thyburcii et Valeriani martyrum novissime praeteritum³⁾ vigore literarum eiusdem domini Ladislai regis in dominium earundem introduci ac easdem sibi ipsi statui et appropriari facere voluisset, in praeiudicium praefatorum dominorum et capituli valde magnum . Cui quidem introductioni et statutioni iidem domini in faciebus memoratarum possessionum et pertinentiarum earundem annotato Johanni contradictionis velamine obviassent, qua protestatione facta praenominatus magister Gregorius nominibus quibus supra praefatum dominum Ladislaum regem necnon magnificum Johannem de Hwnyad perpetuum comitem Bystriciensem alias regni Hungariae gubernatorem a donatione et collatione praescriptarum possessionum et pertinentiarum earundem, praetitulatum vero Johannem Gereb et alios quoslibet ab earundem impetratione ac sibi ipsis donari et conferri perpetuarique procuratione seque in dominum earundem intromissione ac easdem sibi statui et perpetui factione, usum fructuum et quarumlibet utilitatum earundem perceptione⁴⁾ seu percipifactione⁴⁾ quomodolibet factis vel fiendis prohibuit contradicendo et contradixit inhibendo, lege regni requirente coram nobis. Datum feria sexta proxima ante festum beati Adalberti episcopi et martyris, anno domini millesimo quadringentesimo quinquagesimo tertio.


a) Seitenumbruch im Kopfregest.^{^}

1) Lücke 2,5 cm.^{^}
2) Lücke 1,2 cm. [2x]^{^}
3) April 12.^{^}
4) Vorlage: pceptione bzw pcipi. [2x]^{^}