Urkunde Nr. 2843 aus Band V
- Seite im UB:
- 394-395
- Druckvorlage:
- nach Abschrift
- Abdruck als:
- Volltext
- Sprache:
- Latein
2843
Gilău 1453 Mai 23 Matthäus, Bischof von Siebenbürgen, verleiht den Pfarrern des Bistritzer und Kiralyer Kapitels das Recht, bis zum kommenden Martinstag über ihr Vermögen letztwillige Verfügungen zu treffen. Abschrift [in einer] Papierhandschrift des ausgehenden 16. Jh.s. f 7r, beigebunden einem älteren Kopialbuch, früher Archiv des ev. Kapitels A.B. Bistritz.
Mattheus dei et apostolicae sedis gratia episcopus Transsiluanus memoriae commendamus notificantes quibus expedit universis quomodo ex parte capituli Bistritiensis decanatuum videlicet Bistritiensis et Kyralia extitit nobis humiliter ac instanter supplicatum, quatenus universos plebanos in dictis decanatibus iuxta antiquam consuetudinem in faciendis et legandis de bonis ipsorum testamentis in morte aut in vita per eosdem disponendis et ordinandis conservari dignaremur. Nosque attendentes et considerantes ipsorum petitiones et supplicationes fore iustas et concernentes salutem animarum ipsorum usque ad festum beati Martini pontificis proxime venturum eisdem universis plebanis duximus indulgendum et indulgemus per praesentes. Quod şi ali- [S. 395] quem contigerit decedere seu velle facere testamentum infra hoc tempus iuxta antiquarn consuetudinem valeant et possint de bonis ipsorum sufficiens et condecens disponere testamentum . Elapsoque festo beati Martini cogitabimus de competenti remedio et si de iure repertum per nos fuerit ad vitam nostram etiam aliis literis nostris indulgere volumus harum nostrarum testimonio et vigore literarum mediante. Datum in castro nostro Gyalo feria 4
ta ante festum sanctae trinitatis, anno domini millesimo CCCC
o LIII
o.