Urkunde Nr. 2851 aus Band V

Seite im UB:

401-402

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 147.

Druckvorlage:

nach Original

Abdruck als:

Volltext

Sprache:

Latein

---

2851

Wien 1453 Juni 12 König Ladislaus bestätigt den Sieben Stühlen die Urkunde König Sigismunds von 1419 Nr. »1872, die Zollfreiheit der Sachsen der Sieben Stühle betreffend, und gebietet allen Zollinhabern Ungarns diese Bestimmungen zu achten.

Von der Kanzlei: Commissio domini regis.

Nos Ladislaus dei gratia Hungariae, Bohemiae, Dalmaciae, Croaciae et cetera rex Austriaeque et Stiriae dux necnon marchio Morauiae et cetera memoriae commendamus tenore praesentium significantes quibus expedit universis, quod nostrae maiestatis venientes in praesentiam fideles nostri nobiles et egregii comites Johannes Lemmel, iudex regius Cibiniensis, aulae nostrae miles ac alter Johannes Zaz de eadem Cibinio, iudex regius de Zazsebes, prothonotarius Hungaricalis cancellariae nostrae maiestatis, exhibuerunt nobis quasdam literas patentes quondam serenissimi principis domini Sigismundi Romanorum ac Hungariae et cetera regis laudandae memoriae avi nostri carissimi suo secreto sigillo quo ut rex Hungariae utebatur emanatas. Quarum tenor talis est: (Folgt die Urkunde des Königs Sigmund von 1419 Nr. »1872). Qui bus quidem literis exhibitis iidem comites Johannes Lemmel ac alter Johannes Zaz suis ac universorum Saxonum et mercatorum septem sedium Saxonicalium partium Transsiluanarum nominibus et in personis nobis exposuerunt gravi cum querela, quomodo nonnulli tributarii et vicetributarii nostri scilicet regales et etiam aliorum non obstantibus praedictis domini Sigismundi ac aliorum regum Hungariae literis et aliarum libertatum eorum praerogativis minusiuste et indebite in locis tributorum ab ipsis tributum exigerent incessanter in ipsorum praeiudicium et iuris derogamen satis grande. Supplicantes annotati comites Johannes Lemmel et Johannes Zaz suis ac aliorum quorum supra nominibus et in personis nostrae maiestati, ut ipsis super praescriptis de remedio providere dignaremur, opportuno. Verum quia nos supplicationibus eorundem inclinati praefatas literas praetacti domini Sigismundi imperatoris praesentibus nostris literis sine augmento et diminutione aliquali de verbo ad verbum insertas quoad omnes earum continentias et articulos approbamus et ratificamus eosdem nostros Saxones et mercatores in eorum iuribus iuxta earundem ac¹⁾ aliarum literarum regalium contenta libertatumque eorum praerogativas conservare ac contra easdem per neminem tributariorum ab ipsis ac rebus et bonis eorum iniustum tributum exigi volumus aliquali. Ideo vobis universis et singulis tributariis et vicetributariis tam nostris regalibus quam aliorum quorumcumque in terris scilicet et super aquis ubilibet in regno nostro Hungariae et partibus nostris Transsiluanensibus constitutis et existentibus praesentibus et futuris praesentium notitiam habituris firmiter et districte praecipimus et mandamus, quatenus a modo in antea a praefatis Saxonibus ac mercatoribus septem sedium nostrarum Saxonicalium necnon hominibus et familiaribus rebusque et bonis eorum quibusvis contra ipsorum libertates ac literas regales praescriptas in locis memoratorum tributorum nullum iniustum tributum petere seu exigere praesumatis nec sitis ausi modo aliquali gratiae nostrae sub obtentu. Praesentesque literas nostras quibus nostrum secretum sigillum, quo ut rex Hungariae utimur, appensum est post eorum lecturam [S. 402] reddi iubemus praesentanti. Et haec volumus per fora et alia loca publica ubi necesse fuerit palam facere proclamare. Datum Wiennae feria tertia proxima ante festum beatorum Viti et Modesti martirum, anno domini millesimo quadringentesimo quinquagesimo tertio, regni autem nostri anno quartodecimo.

Unter der Plica links: Commissio domini regis ex deliberatione consiliariorum.

Auf der Rückseite von einer Hand des 15. Jh.s: Literae Ladislai regis confirmantes literas Sigismundi similiter regis super tributariis.


1) Über der Zeile nachgetragen.^{^}