Urkunde Nr. 2857 aus Band V
- Seite im UB:
- 404
- Heute in:
- Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]
- Heutige Signatur:
- Fond 1: Stadt Kronstadt [Primaria Municipiului Braşov], Sammlung Fronius I, Nr. 21.
- Druckvorlage:
- nach Original
- Abdruck als:
- Volltext
- Sprache:
- Latein
2857
Klausenburg 1453 Juni 28 Johannes von Hunyad trägt Richter und Rat von Kronstadt auf, den Nikolaus Thoscha von Tartlau in seinen Besitzungen gegen Übergriffe der Kastellane von Törzburg in Schutz zu nehmen. Orig. Pap. Arh. St. Braşov, Fronius I 21. Siegel in rotes Wachs vorne aufgedrückt. Derselbe Stempel wie Nr.
»2844.
Johannes de Hwnyad, perpetuus comes Bistriciensis supremus capitaneus regiae maiestatis in regno Hungariae constitutus et cetera prudentibus et circumspectis iudici iuratisque civibus cunctis etiam senioribus et consulibus Brassouiensis civitatis salutem cum favore. Quia nos nobilem virum Nicolaum Thoscha cognominatum de Prasmar simul cum universis suis possessionibus portionibusque et iuribus possessionariis necnon rebus et bonis suis quibuslibet iustis ut puta et legitimis necnon directis tertiis et aequalibus partibus possessionum Zyrne et Thwchan in comitatu Albensi existentium habitis quas suas idem Nicolaus omnis iuris titulo suas fore asserit, in nostram receperimus protectionem et tutelam specialem viceque nostri in persona regiae vestris dilectionibus commiserimus tuitioni. Igitur in persona eiusdem regiae maiestatis vestris dilectionibus firmissime praecipientes mandamus, quatenus literis praesentibus praefatum Nicolaum de Prasmar in praescriptis universis possessionibus portionibusiqe et iuribus possessionariis necnon rebus et bonis suis quibusvis iustis ut praefatur et legitimis necnon tertiis partibus dictorum possessionum Zyrne et Thwchan, quas ut praemisimus suas fore asserit, contra quoslibet illegitimos impetitores et signanter contra castellanos castri Therch, qui sibi plurimas molestias inferre perhibentur protegere, tueri, defensare ac manutenere debeatis et teneamini nostra in persona et auctoritate nostri capitaneatus nobis praesentibus in hac parte attributa et lege ac consuetudine illarum partium requirente. Et secus non facturi. Praesentibus perlectis exhibenti restitutis. Datum in Koloswar in vigilia beatorum Petri et Pauli apostolorum, anno domini millesimo quadringentensimo quinquagesimo tertio.
Von der Kanzlei: Commissio propria domini comitis Bistriciensis. [S. 405]