Urkunde Nr. 2858 aus Band V

Seite im UB:

405

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 161.

Druckvorlage:

nach Original

Abdruck als:

Volltext

Sprache:

Latein

---

2858

Klausenburg 1453 Juni 30 Johannes von Hunyad befiehlt dem Szeklergrafen Reinold von Rozgony, den Pfarrer Andreas von Marienburg im Besitz der der Marienkirche vermachten neuen Mühle am Homorod zu schützen.

Johannes de Hwnyad comes perpetuus Bistriciensis ac supremus capitaneus regiae maiestatis in regno Hungariae constitutus magnifico domino Reinoldo de Rozgony comiti Siculorum vel suis vicesgerentibus item prudentibus viris iudici, iuratis ceterisque civibus civitatis Brassouiensis salutem et honorem. Refert nobis honorabilis dominus plebanus Andreas ecclesiae beatae Mariae virginis de Feldwar, quomodo egregius et nobilis vir¹⁾ Georgius Rycalph de Tarkew vicevaivoda Transsiluanus et Valentinus Nemes ipsum et dictam ecclesiam suam in quodam novo moledino in fluvio Hamoroth decurrente quod nos dictae ecclesiae beatae Mariae virginis pro salute animae nostrae dederamus diversimode impedirent, perturbarent et damnificarent, immo idem ab ipsius domini plebani manibus occupare et a dicta ecclesia beatae Mariae virginis alienare nitterentur atque vellent in dispendium et periculum animae ipsorum. Et quia nos id quod nos pia et sincera devotione dictae ecclesiae beatae Mariae virginis fecimus suum sortiri volumus effectum, quapropter vobis per praesentes harum serie in persona regiae maiestatis firmiter praecipimus, quatenus amodo imposterum praefatum dominum plebanum et consequenter dictam ecclesiam suam in praescripto novo molendino per nos ut praefertur dictae ecclesiae perpetue dato contra quoslibet illegittimos impetitores protegere, tueri et defensari debeatis. Aliud non facturi, praesentibus perlectis exhibenti restitutis. Datum in Koloswar secundo die festi beatorum Petri et Pauli apostolorum, anno domini M^mo quadringentesimo L^mo tertio.


1) Vorlage viri. ^{^}