Urkunde Nr. 2859 aus Band V
- Seite im UB:
- 405-406
- Heute in:
- Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]
- Heutige Signatur:
- Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 123.
- Druckvorlage:
- nach Original
- Abdruck als:
- Volltext
- Sprache:
- Latein
2859
Klausenburg 1453 Juli 1 Johannes von Hunyad verbietet den Kastellanen der Törzburg, von den in Kronstadt Handel treibenden Bewohnern des Burzenlandes Zölle einzuheben. Orig. Pap. Arh. St. Braşov, Priv. 123. Siegel, rund Dm. 3,3 cm, in rotes Wachs, papierbedeckt, vorne aufgedrückt, verwischt.
Johannes de Hwnyad perpetuus comes Bistriciensis, supremus capitaneus regiae maiestatis in regno Hungariae constitutus et cetera nobilibus viris castellanis castri Thewrch praesentibus et futuris salutem cum dilectione. Exponitur nobis in personis universorum civium civitatis Brassouiensis, quomodo vos contra libertates et exemtiones ipsorum civium ac universorum populorum in terra Barcza et aliis districtibus Brassouiensibus commorantium, ipsis per quondam serenissimum principem dominum Sigismundum et alios Hungariae reges gratiose concessas super ipsos populos in terra Barcza ac districti-[S. 406] bus Brassouiensibus commorantes dum iidem aut alter eorum ad civitatem Brassouiensem ratione negotiationum et aliorum quorumcumque facta intrarent teloniariam solutionem exigeretis in praeiudicium dictae libertatis eorum valde magnum. Et quia in personis dictorum civium Brassouiensium exhibuerunt nobis literas praefati quondam serenissimi principis domini Sigismundi regis, in quibus continebantur, quod iidem universi populi in universis districtibus Brassouiensibus et in terra Barcza commorantes a huiusmodi tributaria solutione sunt exempti et supportati, penes quae privilegia etiam nos literas nostras tempore nostrae gubernationis eisdem civibus dedisse recolimus. Ideo vobis in persona regiae maiestatis firmissime praecipientes mandamus, quatenus universis et quovis populos in dictis disctrictibus et terra Barcza commorantes in eorum libertatibus conservare debeatis nec contra eorum libertates aliquas teloniarias et inconsuetas exactiones exigere praesumatis nec sitis ausuri modo aliquali. Aliud non facturi in praemissis. Praesentibus perlectis exhibenti restitutis. Datum in Koloswar in profesto visitationis virginis gloriosae, anno domini M
o CCCC
o L
mo tertio.
Von der Kanzlei: Commissio propria domini comitis Bistriciensis.