Urkunde Nr. 2860 aus Band V

Seite im UB:

406-407

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 122.

Druckvorlage:

nach Original

Abdruck als:

Volltext

Sprache:

Latein

---

2860

Neumarkt am Mieresch 1453 Juli 2. ^a) Der siebenbürgische Vizewoiwode Georg Rycalff bezeugt, dass er über Auftrag des Szeklergrafen Reinold von Rozgony die Besitzungen Satu Nou / Neudorf und Hopsifen an Peter Greb von Kronstadt zurückgegeben hat.

Nos Georgius filius Rycalff de Tharkew vicevaivoda Transsiluanus et Siculorum vicecomes et cetera memoriae commendamus per praesentes, quod cum magnificus dominus Rynoldus de Rozgon inter ceteras dignitates honorum Siculorum comes in sede Morus in opido Vasarhel simulcum nonnullis probis nobilibus viris in congregatione generali Siculorum fuit constitutus, tunc nobilis Petrus filius Anthonii dicti Greb de Brassouia ad eiusdem domini Rynoldi et dictorum nobilium veniens in praesentiam exhibuit quandam literam excellentissimi principis domini Ladislai dei gratia regnorum Hungariae, Dalmaciae, Croaciae¹⁾ et cetera regis Austriaeque et Stiriae ducis necnon marchionis Morauiae praedicto domini nostro Rynoldo loquentem, quam scilicet literam post exhibitionem statim idem magnificus dominus Rynoldus perlegi fecit, tunc eadem litera inter ceteris suis clausulis continentiis declarandum inserebat²⁾ ut dicta regia serenitas omnia iura, quaeque annotatus Petru Greb super possessiones Vyfalw et Comlus in comitatu Albensi existentes habitas hactenus apud manus suae serenitatis habentes haberet in conspectum eiusdem domini regis produxisset, ex quibus idem dominus rex agnovisset et cognovisset quod eaedem possessiones omnis iuris titulo antelatum Petrum Greb iure successorio dinoscerentur attinere ac deinceps apud manus suas habere nollet, sed de plenitudine suae potestatis eidem Petro vellet facere remitti; quibus intellectis in continenti praefatus dominus Rynoldus nobis easdem eoque sub nomine regis pro tunc pro honore officiolatus apud manus nostras existebant cum cunctis earum utilitatibus et pertinentiis quibuslibet de iure circa easdem spectantibus et pertinentibus mandavit remittere ac manus nostras explete ab eisdem [S. 407] excipere. Nos vero his auditis et perceptis mox et ad statim easdem possessiones saepefato Petro Greb remisimus et relaxavimus imo remittimus et relaxamus praesentium per vigorem harum nostrarum testimonio et vigore literarum mediantibus. Datum in praedicto opido Vasarhel in festo videlicet venustissimae visitationis virginis gloriosae, anno domini M^o CCCC^o L^mo tertio.


a) Ausstellungsort im UB als: Neumarkt/Mieresch.^{^}

1) So Vorlage.^{^}
2) Über der Zeile.^{^}