Urkunde Nr. 2863 aus Band V

Seite im UB:

408-409

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 25.

Druckvorlage:

nach Original

Abdruck als:

Volltext

Sprache:

Latein

---

2863

Bistritz 1453 Juli 14 Johannes von Hunyad ersucht den Kronstädter Rat, den zwischen dem Rat und dem Burzenländer Kapitel ausgebrochenen Streit beizulegen, oder die Angelegenheit dem Erzbischof von Gran bzw. wenn sie weltlicher Natur ist, seiner Entscheidung anheimzustellen.

Johannes de Hwnyad, comes perpetuus Bistriciensis ac supremus capitaneus regiae maiestatis in regno Hungariae constitutus et cetera, prudentibus et circumspectis viris, iudicibus et iuratis civibus civitatis Brassouiensis ac totius terrae Barcha salutem et dilectionem. Licet ratione causae inter vos ab una ac honorabiles dominos decanum et capitulum Brassouiense ab alia partibus, nuntii vestri per vos in persona vestri universitatis missi¹⁾ contra ipsum dominum decanum et capitulum die dominico proxime praeterito²⁾ ex nostra commissione comparuerant, tamen ex inadvertentia illum terminum vobis assignaveramus, quatenus non ille dies dominicus proxime praeteritus, sed dies dominicus proxime venturus vestrae comparationis terminus fuit deputatus. Praefato autem domino decano N³⁾ plebano Brassouiensi⁴⁾, in ipsorum et dicti capituli Brassouiensis personis die hodierna coram nobis contra vos et vestram universitatem comparentibus multas querelas porrigere curaverunt, pridem etiam dicti vestri nuntii contra eosdem dominum decanum et capitulum consimiliter diversas fecerunt querelas, unde quia pacem amantes et filii pacis semper ad concordiam tenere debent. Ideo vestras dilectiones praesentibus rogamus affectavere vobisque consulimus, nihilominusque in persona regiae maiestatis firmiter committimus et mandamus quatenus, si congrue fieri poterit, causam inter vos motam ad pacis concordiam et perfectam unionem divertere et cum eisdem domino decano ac capitulo et plebano concordare ac pacifice manere et in alter utrum nullas lites gerere velitis. Ubi autem dicta pax in medio vestri [S. 409] fondari non poterit, si dicta causa forum spiritualem concernerit, prout alias modus et consuetudo in iuribus spiritualibus procedendi fuit, eadem in praesentiam reverendissimi in Christo patris domini Dyonisii archiepiscopi ecclesiae Strigoniensis transmitti debet, hec vos aut alterum vestrum contra formam et forum iuris ecclesiastici a iudicio spirituali praecavere aut quoquomodo absentare possumus, nisi quod ipsa causa spirituali finaliter destituatur et concludatur ac determinatur ibique finem dictae causae accipere debebitis. Alias si dicta causa non spirituale sed saeculare concernerit forum, ex tunc in persona regiae maiestate et auctoritate nobis per dominum nostrum gratiosissimum dominum Ladislaum Hungariae regem et cetera data et concessa mediante penes vos astabimus vosque seu alterum vestrum in huiusmodi causis forum saeculare concernentibus nullatenus in foro spirituali adiudicare permittemus, immo ipsos dominos decanum, capitulum et plebanum a prosecutione dictae causae et impetitione ipsis dominis decano, capitulo et plebano iudicium et iustitiam faciet, aut propria nostra in persona praefati domini nostri regis iudicium et iustitiam debitaeque satisfactionis complementum faciemus. Interim tamen consulimus vobis ut depositis, sedatis et sopitis quibusvis iurgiorum, litium et controversiorum⁵⁾ processibus et materiis, cum praefatis dominis decano, capitulo et plebano vos componere pacificeque et in bona unione ac concordia permanere studeatis. Et aliud non facturi in praemissis. Praesentibus perlectis exhibenti restitutis. Datum in Bistricia sabbato proximo ante festum divisionis apostolorum, anno domini millesimo quadringentesimo quinquagesimo tertio.

Von der Kanzlei: Commissio propria domini comitis Bistriciensis.


1) Vorlage: misse.^{^}
2) Juli 8.^{^}
3) Auf Rasur.^{^}
4) Gebessert aus Brossouiensi.^{^}
5) Gebessert aus controversia. ^{^}