Urkunde Nr. 2865 aus Band V

Seite im UB:

410-411

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 14 655.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2865

1453 Juli 20 Das Weissenburger Kapitel schaltet den Statutionsauftrag König Ladislaus von 1453 Nr. »2836 ein und bezeugt, dass Johannes von Hunyad in den Besitz von Bistritz, Lechnitz, Baierdorf, Heidendorf, Nieder-Wallendorf, Schönbirk, Treppen, Mettersdorf, Pintak, Jaad, Kleinbistritz, Ober-Wallendorf, Windau, Ober-Neudorf, Petersdorf, Waltersdorf, Senndorf, Deutsch-Budak, Minarken, Johannisdorf, Schelken, Totsch, Sanktgeorgen, Dürrbach, Weisskirch und Nuşeni / Grossendorf eingeführt worden ist.

Capitulum ecclesiae Transsiluanensis omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nos literas introductoriales pariter et statutoriales serenissimi principis et domini domini Ladislai dei gratia Hungariae, Bohemiae, Dalmaciae, Croaciae et cetera regis ac Austriae et Stiriae ducis necnon marchionis Morauiae et cetera domini nostri naturalis atque gratisissimi nobis allatas summa cum reverentia recepimus in haec verba. (Folgt die Urkunde des Königs Ladislaus von 1453 Nr. »2836). Nos itaque mandatis praedicti serenissimi domini nostri regis obedire cupientes, prout tenemur, una cum praefato Johanne de iamdicta Zawa homine suo regio unum ex nobis videlicet venerabilem virum dominum Andream praepositum ecclesiae nostrae praedictae et concanonicum nostrum ad praescriptas introdutionem et statutionem faciendas nostro pro testimonio transmisimus fidedignum. Qui demum exinde ad nos reversi nobis uniformiter retulerunt, quod ipsi feria tertia proxima post festum visitationis beatae Mariae virginis proxime praeteritum¹⁾ ad facies dictarum civitatis et districtus seu comitatus necnon oppidorum et villarum utputa Bistricia, Lekencze, Nemeti, Besenyew, Alsowaldorf, Schepner, Therpen, Naghdemeter, Penthek, Yaad, Azywbeztricie, Felsewaldorf, Vinda, Wyfalw, Peterfalwa, Kysdemeter, Zolna, Bwdak, Molnark, Zenthywan, Zeelk, Thach, Zenthghewrgh, Dypse, Feyereghaz et Naghfalw in comitatu de Doboka existentium habitarum necnon tributorum ad easdem pertinentium vicinis et commetaneis earundem universis inibi legitime convocatis et praesentibus accedendo introduxissent praefatum dominum Johannem comitem in dominium earundem statuissentque easdem eidem simul cum iure patronatus ecclesiarum earundem cum cunctis earundem utilitatibus et pertinentiis quibuslibet praemissae donationis titulo ipsi incumbente perpetuo possidendas nullo penitus contradictore apparente, tribus continuis diebus in faciebus earundem iuxta regni consuetudinem moram faciendo. In cuius rei testimonium perpetuamque firmitatem praesentes literas nostras privilegiales sigillo nostro pendenti munimine roboratas eidem duximus concedendas. Datum decimo octavo die introductionis et statutionis praenotatarum, anno domini [S. 410] supradicto. Honorabilibus et discretis viris dominis Andrea praeposito praedicto, Anthonio decretorum doctore cantore, Michaele custode, Gregorio de Lippa decano ceterisque canonicis antedictae ecclesiae nostrae salubriter existentibus et devote.


1) Juli 3.^{^}