Urkunde Nr. 2866 aus Band V

Seite im UB:

411

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 125.

Druckvorlage:

nach Original

Abdruck als:

Volltext

Sprache:

Latein

---

2866

Bistritz 1453 Juli 21 Johannes von Hunyad beurkundet die Schenkung von Zărneşti und Tohan an die Heilig-Leichnam-Bruderschaft der Marienkirche zu Kronstadt und gebietet den königlichen Beamten die Bruderschaft im ruhigen Besitz dieser Ortschaften zu belassen.

Nos Johannes de Hwnyad perpetuus comes Bistriciensis ac supremus capitaneus regiae maiestatis in regno Hungariae constitutus memoriae commendamus¹⁾ tenore praesentium significantes quibus expedit universis, quod nos possessiones Thohan et Zarna vocatas in terra Barcza existentes, quas et iam quodam serenissimus dominus imperator ac Hungariae et cetera rex ob spem salutis animae suae altari seu fraternitati corporis Christi in ecclesia beatae Mariae virginis in civitate Brazouiensi fundata existenti pro celebratione quotidianae missae deputaverit sic et nos de novo in persona inclitissimi domini nostri naturalis Ladislai Hungariae et cetera regis ob refrigerium praefati quondam serenissimi Sigismundi ac inclitissimi Ladislai regum et nostri animorum simul cum cunctis proventibus, obventionibus et quibuslibet utilitatibus et pertinentiis earundem dicto altari seu fraternitati corporis Christi in praefata ecclesia beatae virginis existenti iure perpetuo et irrevocabiliter duximus adscribendum et deputandum imo adscribimus et deputamus praesentibus per vigorem. Quocirca vobis vaivodis vel vicevaivodis partium Transsiluanarum item comitibus vel vicecomitibus Siculorum necnon iudicibus regalibus et castellanis aliisque quibuslibet status hominibus praesentes inspecturis praesentibus et futuris in persona praefati domini nostri regis Ladislai firmissime committimus et mandamus, quatenus a modo in posterum praescriptas possessiones Thohan et Zarna populosque et iobagiones in eisdem pro tempore commorantes contra praescriptam nostram gratiosam deputationem impedire et perturbari seu manus vestras et vestrorum in easdem quoquomodo intromittere nullatenus praesumatis sed easdem ad dictum altare seu fraternitatem corporis Christi cum omnibus earundem proventibus pacifice uti et possidere permittatis et vestros permitti faciatis. Aliud non facturi in praemissis nec sitis ausi modo aliquali. Praesentibus perlectis exhibenti restitutis. Datum in Besterce sabbato die proximo ante festum Mariae Magdalenae, anno domini millesimo quadringentesimo quinquagesimo tertio.

Von der Kanzlei: Relatio Alberti Literati de Filpes. [S. 412]


1) Über der Zeile.^{^}