Urkunde Nr. 2876 aus Band V

Seite im UB:

420

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 37.

Druckvorlage:

nach Original

Abdruck als:

Volltext

Sprache:

Latein

---

2876

Bistritz 1453 August 31 Johannes von Hunyad vereinigt die beiden Gemeinden Waltersdorf und Radla.

Nos Johannes de Hwnyad¹⁾ comes perpetuus Bistriciensis ac supremus capitaneus regiae maiestatis in regno Hungariae constitutus et cetera memoriae commendamus tenore praesentium significantes quibus expedit universis quod licet possessiones nostrae Kysdemeter et Radla vocatae in dominio et perpetuo comitatu nostro Bystriciensi subiectae hactenus terris earum²⁾ divisim usi et gavisi fuerunt ac universos census, taxas, obventiones, collectas et datia de ipsorum medie provenientes divisim et seorsum reddere et solvere soliti fuerunt. Tamen nos considerantes utilitatem profectumque et comodum incolarum et inhabitatorum earundem villarum seu possessionum easdem in unum redigimus et anneximus eisdem de mera nostrae benivolentiae scientia id ut amodo imposterum dictae possessiones Kisdemeter et Radla pro una possessione et villa reputentur et habeantur³⁾ ac censeantur populique et iobagiones in praedictis villis et possessionibus commorantes communiter terris ac aliis quibuslibet utilitatibus ab easdem possessiones pertinentibus utantur unumque censum de medio ipsorum provenientem solvant et reddant temporibus ad id deputatis et consuetis duximus annuendum et concedendum. Immo annuimus et concedimus per praesentes ex huiusmodi connexione quocirca vobis iudicibus et iuratis civibus et gerebiis necnon universis dicatoribus et exactoribus⁴⁾ census praedicti in praedictis villis seu possessionibus constitutis et in futurum constituendis firmiter praecipientes mandamus, quatenus ab hinc in futurum per dictos populos et iobagiones in praedictis Kisdemeter et Radla commorantes praescriptum unum censum non seorsum sed simul et ad invicem temporibus ad id deputatis et consuetis exigere et extorquere ac colligere debeatis et teneamini diminutione dicti census sine omni. Secus non facturi. Praesentibus perlectis exhibenti restitutis. Datum in Bistricia feria sexta proxima post festum decollationis beati Johannis baptistae, anno domini millesimo quadringentesimo quinquagesimo tertio.

Von der Kanzlei:Commissio propria domini comitis Bistriciensis et cetera.


1) 1461 bis hierher verlängerte Schrift.^{^}
2) Vorlage eorum.^{^}
3) Vorlage habeant. ^{^}
4) Hierauf getilgt dictorum. ^{^}