Urkunde Nr. 2886 aus Band V

Seite im UB:

427-428

Druckvorlage:

nach Original

Abdruck als:

Volltext

Sprache:

Latein

---

2886

Mediasch 1453 Oktober 2 Christian und Georg, Pfarrer von Reichesdorf und Mühlbach, tragen dem Pfarrer Laurentius von Reussen auf, den Nikolaus Zas zur Verhandlung seines Rechtsstreites vorzuladen.

Nos Christianus ac Georgius decretorum doctores, rectores ecclesiarum parochialium in Ryhanfalva et Zasschebes, iudices commissarii ad infrascripta honorabili ac discreto viro domino Laurencio plebano in Ruessen, salutem in domino et mandatis nostris firmiter obedire debitamque solertiam adhibere in commissis. Literas venerabilis domini Johannis de Pankotha , artium doctoris et cetera canonici ecclesiarum Colocensis et Schanadiensis eiusdemque custodis ac per reverendissimum in Christo patrem et dominum dominum Raphaelem Herczek de Zekchew divina miseratione et apostolicae sedis gratia ecclesiarum dictae Colocensis ac Bachiensis canonice unitarum archiepiscopum et cetera, in Bachiensi ecclesia vicarii in spiritualibus et causarum auditoris generalis constituti, noveritis nos recepisse ea qua decuit reverentia et honore. Quarum tenorem et seriem unacum praesentibus vobis¹⁾ in specie vobis¹⁾ exhibendum transmittimus, quas hic pro insertis habere volumus, volentes itaque iustis et rationabilibus superiorum mandatis possetenus obedire prout tenemur. Vobis itaque in virtute sanctae obedientiae et sub poena excommunicationis, quam in vos, nisi feceritis quae mandamus, ferimus in his scriptis, quatenus ad diem Lunae proxime affuturum personaliter accedatis Cibinium ad domum ubi Nicolaus Zas habitare consuevit, demum ad valvas ecclesiae maioris populoque dictae civitatis convocato in quanta numerositate coacervare poteritis, ipsum Nicolaum Zas publica et clara voce propria in persona, si commode habere poteritis aut quemcumque alium procuratorem pro ipso valente et volente intervenire ad causam vel causas huiusmodi agitandas cum pleno mandato sufficienter instructum, si quis se obtulerit, nostram citetis in praesentiam, quatenus ad vigesimum primum diem a die datarum praesentium immediate computandum, si dies ipsa iuridica fuerit, alioquin proximo die sequenti, [S. 428] quorum dierum septem pro primo, septem pro secundo et reliquos septem pro tertio et peremtorio termino eidem assignamus in villa Ruessen, Transsiluanensis diocesis mane hora tertiarum vel quasi coram nobis studiat comparere ad audiendum et videndum, revidendum, discutiendum et fine debito terminandum inter partes ea quae nobis commissa sunt ad suscipiendum vel respuendum quidquid unicuique partium pro suo interesse sibi competere putaverit, prout iuris ordo dictaverit et recta ratio suadebit sub poena excommunicationis auctoritate nobis in hac parte attributa, quam ferimus in his scriptis ad instar publici edicti in ipsum principalem vel eius procuratorem legitime intervenientem nisi loco et tempore supra expressis iudicio sistat et mandatis nostris immoverius archiepiscopalibus pareat cum effectu. Certificantes insuper eundem quod si non comparuerit ad ea quae iuris sunt nos processuros ad instantiam alterius partis comparentis rebellione, cavillatione, subterfugio seu contumacia eius in nullo obstante. Executionem vero vestram et quidquid in praemissis fueritis nobis suo ordine rescribentes praesentes in specie remissis. Datum in Megies die secunda mensis Octobris, anno domini millesimo quadringentesimo quinquagesimo tertio, sigillo unius de annuentia et voluntate alterius consignatum.

Auf der Rückseite von einer Hand des 15. Jh.s: Executus cum diligenter mandatum ipso die prout continetur in citatione.


1) So Vorlage. [2x]^{^}