Urkunde Nr. 2898 aus Band V

Seite im UB:

434

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell III, Nr. 31.

Druckvorlage:

nach Original

Abdruck als:

Volltext

Sprache:

Latein

---

2898

Kronstadt 1454 Februar 3 Der Szeklergraf Johannes Orszag vergleicht die im Streit um Dritteile von Zărneşti und Tohan befindlichen Nikolaus Thoscha von Tartlau und Symon Sartor von Fünfkirchen und trägt dem Rat von Kronstadt auf, die beiden im Besitz dieser Liegenschaften zu schützen.

Nos Johannes Orzaag de Guth, Syculorum comes, memoriae commendantes significamus per praesentes, quod nobis in Brassouia constitutus accesserunt nostram in praesentiam nobiles viri Nicolaus Toscha de Prasmar et Symon Sartor concivis Quinqueecclesienis quandam gerentes controversiam pro directis tertiis partibus possessionum Czerne et Tuchan, quas serenissimus princeps et dominus dominus Sigismundus Romanorum imperator recolendae memoriae ipsis pro indefessis serviciis ipsorum suae maiestati in curia Romana et ceteris regnis fideliter exhibitis ipsis iusto iuris titulo nostra ac praelatorum, baronum regni Hungariae in civitate Pragensi praesentia donavit. Auditisque amborum propositionibus et responsionibus eos in amicabilem procurari et reduci compositionis concordiam fecimus per medium honorabilis viri magistri Johannis Rudel, plebani Brassouiensis, iudicisque et iuratorum civium praetactae civitatis praefatosque in nostram protectionem recepimus specialem et tutelam. Praecipientes praefatis iudici et iuratis civibus iam dictae civitatis Brassouiensis necnon iudicibus totius terrae Burcza in persona regiae maiestatis firmissime, quatenus praefatos Nicolaum et Symonem in praescriptis portionibus possessionariis et iuribus necnon rebus et bonis ipsorum quibusvis iustis et legitimis ac tertiis partibus directarum¹⁾ possessionum Czerne et Tuchan contra quoslibet illegitimos impetitores protegere, tueri et defensare ac manutenere debeant et teneantur. Nostra in persona et auctoritate nostri officii ipsis in hac parte attributa lege et consuetudine illarum partium requirente. Secus non facturi. Praesentibus perlectis exhibenti restitutis. Datum in praefata Brassouia, anno domini millesimo quadringentesimo quinquagesimo quarto²⁾, in die sancti Blasii martiris. [S. 435]


1) So Vorlage.^{^}
2) Hierauf von anderer Hand und mit anderer Tinte in gleichzeitigen Schriftzügen hinzugefügt.^{^}