Urkunde Nr. 2904 aus Band V
- Seite im UB:
- 441-442
- Heute in:
- Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]
- Heutige Signatur:
- Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 130.
- Druckvorlage:
- nach Original
- Abdruck als:
- Volltext
- Sprache:
- Latein
2904
Prag 1454 April 3 König Ladislaus trägt den Kastellanen von Törzburg und Königstein auf, von den reisigen Kronstädter Kaufteilten Zölle allein nach der alten Gewohnheit einzuheben. Orig. Perg. Arh. St. Braşov, Priv. 130. Siegel war in rotes Wachs vorne aufgedrückt.
Von der Kanzlei: Commissio domini regis.
Ladislaus dei gratia Hungariae, Bohemiae, Dalmaciae, Croaciae et cetera rex necnon Austriae Stiriaeque dux et marchio Morauiae fidelibus nostris castellanis castrorum nostrorum Terch et Kyralkw vocatorum partium sive districtus Brassouiensis salutem et gratiam. Ex querela certorum nostrorum fidelium accepimus displicenter, quomodo vos tributum quod pro sustentatione et conservatione dictorum castrorum nostrorum in certis deputatis ad id locis exigere et recipere consuevissetis, non secundum antiquam consuetudinem et iuxta continentiam limitationis privilegiorum civitatis nostrae Brassouiensis superinde confectorum sed iuxta vestram propriam voluntatem antiquum et solitum modum excedendo exigeratis et reciperetis a mercatoribus et negotia-[S. 442] toribus ex quo maximum damnum et penuriam in victualibus et aliis necessariis rebus civitati nostrae Brassouiensi et toti terrae illi Barcza sed et castris illis inferretis et induceretis. Quoniam mercatores et negotiatores partium illarum et omnes mechanici civitatis et terrae illius per hoc a suis negotiationibus et operibus distraherentur et impedirentur et a concursu locorum illorum tributorum alienaretur. Super quo fidelitati vestrae firmiter praecipimus et mandamus et aliter habere omnino nolentes committimus, quatenus rebus sic stantibus et se habentibus prout praefertur a modo deinceps tributum a quibuscumque mercatoribus sive negotiatoribus a quibuscumque partibus venientibus, non aliter quam secundum antiquam consuetudinem prout olim recipi et exigi consuevit exigere et recipere praesumatis et hoc idem iniungimus et committimus futuris castellanis firmiter semper observari. Et aliud sub obtentu gratiae nostrae facere non ausuri. Praesentibus vero perlectis semper exhibenti restitutis. Datum Pragae sabbato proximo ante dominicam Ramispalmarum, anno domini millesimo quadringentesimo quinquagesimo quarto, regnorum nostrorum anno Hungariae quarto decimo, Bohemiae vero primo.
Von der Kanzlei: Commissio domini regis ex deliberatione consiliariorum.
Unten links von der Kanzlei: Lecta.