Urkunde Nr. 2909 aus Band V

Seite im UB:

445

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 132.

Druckvorlage:

nach Original

Abdruck als:

Volltext

Sprache:

Latein

---

2909

Prag 1454 April 22 König Ladislaus trägt dem Richter und Rat von Kronstadt auf, jene Vornehmen des Reiches, die in seinem Auftrag dort weilen, mit einem gemessenen Gefolge in die Stadt aufzunehmen.

Von der Kanzlei: Commissio domini regis.

Ladislaus dei gratia Hungariae, Bohemiae, Dalmaciae, Croaciae et cetera rex necnon Austriae Stiriaeque dux et marchio Morauiae fidelibus nostris iudici et iuratis civibus civitatis nostrae Brassouiensis salutem et gratiam. Nonnullorum nostrorum fidelium certa relatione ad nos deducta nostra intellexit serenitas, quomodo praecedentibus temporibus quam pluries accidisset, quod quidam domini ex baronibus regni nostri etiam officia et honores in partibus Transsilvanis tenentes cum gentium suarum notabili et comitiva civitatem nostram intrassent et ibi aliquando grates et familiares ipsorum contraria et nociva civitati nostrae et vobis tractassent et attentare etiam conati fuere timeretisque proinde, uti nobis notificastis, quod in posterum verisimiliter et alii domini barones et potentes suo modo, civitatem ipsam cum gentibus eorum et multitudine sui populi ingredi conarentur¹⁾. De quarum gentium adventu et ingressu timeretis verisimiliter nociva et contraria vobis et civitati ipsi aliquando evenire. Ut igitur timor et suspicio vestra huiusmodi a vobis procul tollantur, volumus et serie praesentium firmiter committimus fidelitati vestrae ut dum et quando ac quotienscumque a modo deinceps quemcumque dominum baronem aut potentem qualecumque officium aut honorem a serenitate nostra tenentem in medium vestri et in civitatem nostram in manu forti et cum gentibus suis intrare vellet et conaretur, ex tunc talem pro honore suo cum quantitate honestae comitivae qua dumtaxat expediens fuerit intromittere deinceps debeatis. Aliud non facturi. Datum Pragae secundo die festi Paschae domini, anno eiusdem millesimo quadringetesimo quinquagesimo quarto, regnorum nostrorum anno Hungariae quarto decimo, Bohemiae vero primo.

Von der Kanzlei: Commissio domini regis ex deliberatione consiliariorum. [S. 446]


1) Vorlage conaretur. ^{^}