Urkunde Nr. 2913 aus Band V

Seite im UB:

448-449

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2913

Kapolna 1454 Mai 27 ^a) Die siebenbürgischen Vizewoiwoden Georg und Bronislaus, bezeugen das Übereinkommen zwischen Tilman von Nyen und der Gemeinde Tartlau wegen eines von den Tartlauern am Tatrang-Bach errichteten Dammes.

Nos Georgius filius Rycalff de Tharkew et Bronislaus vicevaivodae Transsiluani memoriae commendamus per praesentes, quod Thilmanus filius Nicolai de Neen onera et quaelibet gravamina Georgii, Petri, Johannis et Ladislai filiorum necnon puellarum Elizabeth et Katherina vocatarum filiarum suorum si iidem in subnotandis persistere nollent penitus super se recipiendo ab una parte siquidem ex alia Johannes Magnus et Laurentius Crispus alias villicus oppidi regalis Prasmar nuncupati in ipsorum necnon iuratorum seniorum et hospitum ac totius communitatis eiusdem oppidi Prasmar consimiliter oneribus et quibusvis gravaminibus eorundem si iidem a subscriptis resilire nitterentur¹⁾ penitus ad se receptis personaliter nostram venientes in praesentiam per eosdem spontanea ipsorumque voluntate confessum extitit pariter et relatum in hunc modum; quod licet inter ipsos Tylmanum²⁾ et dictos iuratos, seniores et hospites ac totam communitatem de dicta Prasmar ratione et praetextu cuiusdam aggeris seu structurae in resistentiam fluvii aquae Tharthula³⁾ vocatae inter praedictam possessionem Nyeen⁴⁾ et dictum oppidum Prasmar effluentis per ipsos hospites de eadem Prasmar a parte eiusdem oppidi Prasmar in portu et margine eiusdem fluvii in terra ipsorum constructi et per obstaculum eiusdem strueturae propter ad terram eiusdem Tylmani⁵⁾ ipsius fluvii aquae dirivationem necnon dampnorum exinde secutorum perpetrationem litis et controversionis materia mota fuerit et exorta et aliquantulum coram nobis diu ventillata. Tamen ut ipsi et eorum successiva posteritas in pacis amoenitate in aevum⁶⁾ permanere valerent et frui praemissae liti cedendo quibusvis etiam dampnorum acquisitionibus e medio ipsorum prorsus et per omnia radicitus evulsis⁷⁾ et eliminatis ad talem pacis et concordiae devenissent unionem, ut ipsi hospites de Prasmar pro damnis ipsius Tylmani⁸⁾ centum florenos auri dare et persolvere assumsissent. Quibus persolutis antiquum fluvium dictae aquae usque et infra metarum erectiones post sese consequenter factas pro communi meta relinquissent immo devenerunt, assumpserunt et relinquerunt coram nobis tali modo, ut praemissis metarum collibus et erectionibus in vigore et robore permissis tam praefatus Thilmanus in sua quamquam ipsi hospites de Prasmar in eorum terra secundum sub et supra penes dictum fluvium aquae Tharthula aggerem, structuram et defendiculum ad custodiendum eorum dampnum ubicumque et in quoscumque loco totiens quotiens necesse fuerit et opportunum construendi, elevandi, firmandi et faciendi liberam haberent facultatem. Universas etiam literas protestatorias, inquisitorias, evocatorias, prohibitorias et generaliter quascumque sub quibuscumque verborum formis praemissorum occasione contra sese in alterutrum hactenus emanatas et emanari procuratas, cassas, vanas et annullatas et viribus carituras exhibitorique earum nocituras fore reliquendo tali obligaminis vinculo mediante. Quod si aliqua partium praedictarum aut eorum superstites quandocumque temporum in processu intra vel extra iudicium praemissam dispositionem in toto vel in parte refutans retractare et resuscitare attemptaret, extunc talis pars contra partem alteram in quinquaginta marcis fini argenti ante litis ingressum persolvendis convinceretur et convinci deberet eo facto ad quod eaedem partes sese sponte obli- [S. 448] garunt coram nobis harum nostrarum testimonio literarum mediante. Datum in Kapalna in congregatione generali nobilium necnon Siculorum et Saxonum feria secunda proxima post festum Vrbani papae, anno domini millesimo quadringentesimo quinquagesimo quarto.


a) Ausstellungsort im UB als: Căpîlna.^{^}

1) 1525 niterentur.^{^}
2) 1525 Thilmanum.^{^}
3) 1525 Thartula.^{^}
4) 1525 Nyen.^{^}
5) 1525 Thilmanii.^{^}
6) Vorlage ewm.^{^}
7) Vorlage ewisis.^{^}
8) 1525 Thilmani.^{^}