Urkunde Nr. 2914 aus Band V

Seite im UB:

449-450

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 38.

Druckvorlage:

nach Original

Abdruck als:

Volltext

Sprache:

Latein

---

2914

Bistritz 1454 Mai 29 Richter und Rat der Stadt Bistritz bestätigen die frommen Stiftungen für den Konvent der Bistritzer Predigermönche.

Nos Johannes Bogener iudex, Petrus Czass, Georgius Nessiger, Petrus Tirman, Thomas Hawser, Daniel Rimer, Andreaş Lilienczweig, Jacobus Cretschmer, Georgius Stux, Petrus Herman, Demetrius Pellifex, Petrus Brewer et Zeyfredus Nessiger iurati cives consulatus civitatis Bistriciensis memoriae commendantes significamus tenore quibus expedit universis, quod in nostri veniendo praesentiam honorabilis atque religiosus vir frater Georgius fratrum ordinis praedicatorum harum partium Transsiluanarum pro tunc vicarius necnon prior conventus ecclesiae sanctae crucis nostrae civitatis ordinis praenominati unacum discreto fratre Nicolao dicti ordinis et conventus alias priore de Braschouia ac ex manibus suis nobis offerens quoddam registrum super certas haereditates, fructus et proventus censuum consignatum. Quae quidam haereditates cum suis utilitatibus et censuum proventibus successu temporum pro subsidio nutrimenti fratrum praescriptorum et ipsius conventus sustentatione provida et salubri ordinatione hominum fidelium ob refrigerium salutis suarum animarum testamentaliter sunt dimissa, legata et donata. De quarum quidam haereditatum numero primum est pistorium retro domum acialem Petri Knechtil ex obliquo ecclesiae crucis praevisae versus dextram ad plagam occidentalem penes rippam situatum, item una vinea in monte Hoel et una vinea in monte Poschental ac una vinea in monte Rypental territoriis nostrae civitatis necnon una vinea in territorio villae Budac pertinentiae nostrae civitatis, item unum pratum retro magnum Creufelt, quod fuit olim Johannis corrigiatoris, item unum pratum retro leprosos, quod fuit Michaelis Beuchil sutoris in vicinatu prati Johannis Tytil, item unum pratum prope villam Latinam inferiorem, similiter pertinentiam nostrae civitatis in vicinatibus pratorum Andreae Leichnam civitatis nostrae coincolae et Andreae Eyben de eadem; item unum pratum in possessione Budesdorff in vicinatibus pratorum Foder Mihal et Johannis Kewkler de eadem¹⁾, praeterea cerdones obligantur annuatim perpetuis temporibus pro nutrimento dictorum fratrum duos cubulos tritici sive tempore caris-[S. 450] tiae sive alias sine omni prostergatione praesentare, item de auriis Johannis Hering sutoris in platea Hungaricali et Hermanni piscatoris ex opposito ortus dicti conventus situatis seorsum de qualibet singulis annis perpetuis temporibus quadraginta duos denarios monetae currentis ipsi fratres praescripti habent sublevare. Supplicatum est itaque nobis per dominum Georgium vicarium et priorem ac Nicolaum fratrem suprascriptos in totius conventus personis precum instantia studiose, quatenus ob salutem animarum dictorum testatorum suorumque testamentorum ordinationem salutarem memoriam sempiternam suprascripta testamenta literis nostris inserere sigilloque civitatis nostrae autentico confirmare dignaremur. Nos igitur eorum iustis precibus inclinati praesentes has literas haereditatum et proventuum testamenta praescripta in se continentes sigillo nostrae civitatis pendenti communitas ipsis fratribus ordinis suprascriptitam praesentibus quam futuris in perpetuam memoriam animabusque testatorum requiem sempiternam pure propter deum duximus concedendas. Datum Bistriciae in vigilia festi ascensionis domini, anno nativitatis eiusdem millesimo quadringentesimo quinquagesimo quarto.

Auf der Rückseite gleichzeitig: litera confirmationis testamentorum conventus sanctae crucis Bistriciae fundati data et roborata sigillo autentico a iudice et civibus civitatis praefatae.


a) Im UB Abbildung des Siegels der Stadt Bistritz auf Tafel VIII, Bild 2, unten als »Abb. ^{^}

1) Randbemerkung des späten 15. Jh.s von anderer Hand pro quo tritico praefati cerdones dederunt conventui unum pratum ubi conventus fecit unum ortum. ^{^}

Abb.