Urkunde Nr. 2920 aus Band V

Seite im UB:

453

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1334 - Abt. 50: K. A. Burgberg [Parohia Ev. CA Vurpăr], Nr. 6.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2920

Kirtsch 1454 Juni 25 Die siebenbürgischen Vizewoiwoden Georg und Bronislaus ersuchen das Weissenburger Kapitel, an der Beilegung eines Streites zwischen Nikolaus von Salzburg und Genossen und der Gemeinde Burgberg wegen eines Waldes mitzuwirken.

Amicis eorum reverendis capitulo ecclesiae Transsiluanae Georgius filius Rycalff de Tharkw et Bronislaus vicevaivodae Transsiluani amicitiam paratam cum honore. Dicitur Nobis in personis egregii Nicolai de Wyzakna alias vicevaivodae Transsiluani, necnon alterius Nicolai iuni<oris>¹⁾ de dicta Vyzakna item Gregorii de Hydegwyz necnon Laurencii et Petri ac Johannis de Wessewd et nobilium dominarum Margaretha Thomae Magni et Anna Barthus Greb ac Dorothea vocatarum Symonis Greb consortum, filiarum videlicet quondam Jacobi de Felsewbolya, quomodo ipsi quandam silvam glandinosam simul cum terris arabilibus et fenilibus eidem silvae annexis intra metas praescriptae possessionis Felsewbolya adiacentibus titulo pignoris apud manus iuratorum seniorum ac totius communitatis villae regalis Hywhalom vocatae pro certa pecuniarum summa habitam ab eisdem iuratis senioribus redimere vellent. Super quo vestram amicitiam praesentibus petimus diligenter, quatenus vestrum mittatis hominem pro testimonio fidedignum, quo praesente Anthonius de Kwesd aut Georgius de Rawas seu Benedictus sive Paulus de eadem aliis absentibus homo noster ad praefatos iuratos seniores et totam communitatem de dicta Hywhalom accedentes eosdem in eo ut levata praetacta pecuniarum summa, pro qua videlicet praescripta silva cum sibi annexis fertur fore impignorata eandem silvam simulcum praectatis sibi annexis eisdem exponentibus remittere et resignare debeant verbo nostro legitime amoneat. Qui si fecerint bene quidem, alioquin evocet eosdem iuratos seniores et totam communitatem contra annotatos exponentes nostram in praesentiam ad terminum competentem rationem super praemissis reddituri efficacem, nihilominusque eosdem iuratos seniores et totam communitatem ab ulteriori usu prohibeat, lege regni requirente. Et post haec huiusmodi amonitionis, evocationis et prohibitionis seriem cum evocatorum nominibus terminoque assignato nobis amicabiliter rescribatis. Datum in Kewres secundo die festi nativitatis beati Johannis bapisttae, anno domini millesimo quadringentesimo quinquagesimo quarto. [S. 454]

(1) Lücke.