Urkunde Nr. 2924 aus Band V

Seite im UB:

455

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1333 - Abt. 50: K. A. Burgberg [Parohia Ev. CA Vurpăr], Nr. 5.

Druckvorlage:

nach Original

Abdruck als:

Volltext

Sprache:

Latein

---

2924

Thorenburg 1454 Juli 12 Die Vizewoiwoden Georg und Bronislaus bezeugen, dass Laurentius von Wassid und Genossen und die Gemeinde Burgberg übereingekommen sind, sich hinsichtlich des umstrittenen Waldes dem Urteilsspruch des siebenbürgischen Protonotars zu unterwerfen.

Nos Georg filius Rycalff de Tharkw¹⁾ et Bronislaus vicevaivodae Transsiluani memoriae commendamus per praesentes, quod Laurencius de Vessewd in sua item egregii Nicolai de Vyzakna alias vicevaivodae Transsiluani necnon alterius Nicolai iunioris de dicta Vyzakna item Gregorii de Hydegwyz et Petri fratris sui necnon Johannis de dicta Vessewd et Simon Gereb²⁾ de Felsewbolya in personis nobilium dominarum Dorothea suae ac Margaretha Thomae Magni et Anna Barthus Gereb²⁾ vocatarum consortum filiarum videlicet quondam Jacobi de Felsewbolya ab una parte siquidem ex alia Melchior iudex civitatis Cibiniensis et Jacobus notarius eiusdem civitatis in personis iuratorum seniorum ac totius communitatis villae regalis Hywhalom vocatae personaliter nostram venientes in praesentiam sunt nobis confessi eo modo, quod licet ipsi Laurencius de Vessewd et alii praenominati unacum annotatis iuratis senioribus ac tota communitate praescriptae villae regalis Hywhalom ratione cuiusdam silvae glandinosae ac terrarum arabilium et fenilium eidem silvae annexarum intra metas praescriptae possessionis Felsewbolya adiacentiarum, ut asseritur titulo pignoris aput manus iuratorum seniorum ac totius communitatis praescriptae possessionis Hywhalom in praesentibus octavis festi nativitatis beati Johannis baptistae³⁾ in lite extiterint tamen eandem causam arbitrio et arbitrativae dispositioni certorum proborum et nobilium virorum submisissent et submiserunt coram nobis tali modo, ut quitquid⁴⁾ iidem probi et nobiles viri coram magistro Nicolao partium Transsiluanarum prothonotario homine nostro per nos ad id partibus volentibus deputato die dominica proxima post festum Eliae prophetae⁵⁾ in villa regali Nagzelendek vocata auditis partium propositionibus visisque⁶⁾ examinatis literis et literalibus instrumentis factum praemissum tangentibus disponerent, ordinarent et arbitrarentur id ambae partes acceptare deberent et tenerentur tali obligaminis vinculo mediante, quod si qua partium praedictarum illac accedere vel mittere aut eandem arbitrativam dispositionem acceptare nollet aut non curaret extunc talis pars in amissione actionis et aequisitionis suae convinceretur et. convinci deberet eo facto. Harum nostrarum testimonio literarum mediante. Datum Thordae duodecimo die termini praenotati, anno domini millesimo quadringentesimo quinquagesimo quarto. [S. 456]


1) Insert Rycalff de Tharkew.^{^}
2) Insert Greb. [2x]^{^}
3) Juli 1.^{^}
4) Vorlage quitquit; Insert quitquid. ^{^}
5) Juli 21.^{^}
6) Vorlage vsisque. ^{^}