Urkunde Nr. 329 aus Band I

Seite im UB:

302-303

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

329

Ofen 1310 bis 1311 August 1 König Karl ersucht das Weissenburger Kapitel um ein Kanonikat und eine Pfründe für seinen Kaplan Mathias, Pfarrer von Gieresau.

Karolus dei gratia rex Hungariae dilectis et fidelibus suis viris discretis capitulo Transsiluano salutem et gratiam plenam cum dilectione. Cum sicut expedit iura iuribus concordare sic etiam ministros iuris in unam sententiam decet convenire et partes suo debeant iugiter convenire universo praesertim in eo cum id petitur, quod iustum est et honestum et etiam iuris aequitas hoc recipere videatur. Hinc est quod cum saepe et frequentius petitiones nostras venerabili in Christo patri Benedicto miseratione divina episcopo vestro dilecto et fideli nostro et¹⁾ vobis¹⁾ pro Mathia plebano de Feneufolua fideli et familiari capellano nostro, qui nobis suis fidelibus servitiis adeo studuit complacere, quod nostrae regiae benignitatis gratiam reddidit sibi fore quasi obligatam, de canonia eeclesiae vestrae sibi conferenda literatorie direxissemus, quo se, quia ad praesens praebenda non vacat excusante tandem cum idem venerabilis pater nostro conspectui se praesentasset nostrae maiestatis personali praesentia una cum domino archiepiscopo Strigoniensi²⁾ et aliis praelatis et baronibus regni nostri pro eodem facto, ut licet praebenda non vacante sibi canoniam conferre non posset, tamen alia consideratione iuris videlicet, ubi certus numerus canonicorum non est institutus, ibi nulla etiam vacante quis possit in canonicum assumi, nihilominus eidem providere deberet instaremus, idem venerabilis pater in excusatione sui proposuit, quod sine vestro consensu canonico id facere minime poterat, sed quantum in ipso erat, annuit utique votis nostris, sed effectum huius facti in vestrum consensum distulit et retorsit. Unde quia licet iure vetante praebenda non vacans conferri non possit tamen alia via iuris videlicet ubi certus numerus canonicorum non est institutus [S. 303] nulla etiam praebenda vacante quis possit in canonicum assumi, cum intelligatur ad quoddam ins eligi quod incipit esse cum electo et desinit cum defuncto, et interdum etiam ubi certus numerus canonicorum est praefinitus, praesertim cum necessitas exigit aut utilitas persuadet, praebenda etiam non vacante ex electorum assensu novus canonicus potest creari ad quoddam ius personale, quod occidit cum persona. Cum igitur petitionis nostrae effectus ex votis vestri consensus a modo dumtaxat dependeat nec aliquod canonicum impedimentum obstet in hac parte, nisi ut petitionibus nostris et eiusdem praelati vestri votis consentiatis, ut membra succuba sint suo capiti et ministri legis in hanc nostrae petitionis iustae et canonicae sententiam conveniant et votis nostrae regiae maiestatis vos obtemperetis, fidelitatem discretionis vestrae praesentibus petimus diligenter, quatenus ipsi Mathiae plebano canoniam simul cum praebenda, licet ultra numerum, ut praetactum est, non tamen contra sanctiones patrum canonicas conferri per eundem vestrum praelatum consensum vestrum adhibeatis et assensum ob nostrae regiae maiestatis dilectionem et favorem et utilitatem vestrae ecclesiae, quam in persona eiusdem Mathiae plebani consequi potest, tamquam ministri iuris devoti existentes. Datum Budae, in festo beati Petri ad vincula.

Auf der Rückseite Adresse: Discretis viris capitulo Transsiluano dilectis sibi et fidelibus.


a) Nach Dinca - Kovács, Ergänzungen 143 umdatiert statt: 1311 bis 1319 August 1.^{^}

1) Ueber der Zeile nachgetragen. [2x]^{^}
2) Thomas.^{^}