Urkunde Nr. 2942 aus Band V

Seite im UB:

471-472

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic C A Ţara Bârsei] (Inventar 459), Nr. 27.

Druckvorlage:

nach Original

Abdruck als:

Volltext

Sprache:

Latein

---

2942

Kronstadt 1454 November 26 Petrus von Mediasch, Generalvikar der ungarischen Predigerordensprovinz, ersucht die Aburteilung des Ordensbruders Johannes Scharff, der des Ehebruchs überführt wurde, der geistlichen Gerichtsbarkeit zu überlassen.

Universis et singulis praesentes literas inspecturis frater Petrus de Medies humilis vicarius generalis provinciae Hungariae ordinis fratrum praedicatorum salutem et vitam praesentem fine laudabili terminare. Cum piissimus verum gubernator quamvis immeritum suorum gregii me famulorum praefecturae excellentia misericorditer praedicavit dignum est, ut de nostrae gubernationis domicilio omnium vitiorum immunditia in subditis proscribatur. Hinc este quod cum quidem frater nostrae religionis praehabitae Johannes Scharff vocitatus de conventu Braschouiensi abiecta pudoris tunica orbatus lumine sui intellectus carnalibus illecebris diuturno iam tempore ad instar suis in scena vitiorum quasi meretricii more penitus dimersus quandam iuvenculam unicum viri sui solacium et gaudium speciale debitae honestatis privilegio pudititiae iuvantem speculo exspolians detestabile defoedavit et prostituit et tandem clandestine vehiculo impositam abducere et viro legitimo spoliare atemptavit, cuius facinoris enormitas in vulgo universo dispersa profugus a quibusdem prosequitur et mulier ab eo rapitur et reducitur. Ipse vero annotatus non monachus sed moechus concite de curru prosiliens manus persequentium effugit. Qui tandem nullo iuris ordine retento, sine suorum praesidentium literali testimonio spretisque aequitatis regulationibus religionis suae prophanans dignitatem ad iudicem suum saecularem delegatum abbatem videlicet de Candelis ipsae criminis reus et actor ipsos praelibatos mulieris insecutores citavit et requisivit et tamquam maleficos et spoliatores constantissime accusavit et sic gravissimas rixas concitavit per quas infinitae miseriae et turbationes non solum civitati sed etiam toti provinciae timebantur imminere et exoriri. Qui abiecto religionis suae professae insuper habitu et saeculari seu rusticano apostatae more inductus¹⁾ quasi fera inter vespres et latrunculus foris civitatem latitabat in rubetis. Qua de causa ignoratur vehementer tamen suspicatur, ut ipsam mulierem ab ipso prius segregatam investigans altera nunc vice seducere quaerebat. Qui suo exinde denunciatus priori et praesidenti videlicet fratri Stephano ordinis et loci praefixi, qui ad haec invocato brachio saeculari praefatum temerarium apostatam, qui religionis suae sanctitatem non est veritus prophanare ac ceterorum fratrum suorum collegio contubernii [S. 472] voluit sequestrare ad tempus eundem carceralis custodiae vigoribus mancipavit, ut forte sic sancti spiritus eorum aspergimine permollitus in cinere et cilicio in ieiuniis et fletibus ageret poenitentiam suam pro delictis, ut aliis inde transgressoribus inflicta sibi poenalitas daretur in speculum et exemplum. Quare universitatem iudicum tam saecularium quam spiritualium²⁾ de quorum aequitate confidimus, ammonemus praesentium cum instantia suppliciter exorantes et devote, quatenus iam dictam violentiam manus iniectionem in ipsum castitatis praedonem nulli penitus saecularium hominum ascribere¹⁾ sed nostrae auctoritate iussu speciali et deliberata voluntate nostra factum fore iudicetis. In cuius rei evidentius testimonium sigillum mei vicariatus officii praesentibus impressavi et cetera. Datum Coronae, die sequenti post festum beatae virginis Katherinae, anno domini M^o CCCC^o LIIII.


1) Am Rande nachgetragen. [2x]^{^}
2) Auf Rasur.^{^}