Urkunde Nr. 2943 aus Band V

Seite im UB:

472

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 158.

Druckvorlage:

nach Original

Abdruck als:

Volltext

Sprache:

Latein

---

2943

Güns 1454 November 28 Johannes von Hunyad beauftragt die königlichen Silbereinnehmer für Siebenbürgen Nikolaus, Archidiakon von Kokelburg, und Georg Henkel, der Stadt Hermannstadt zur Durchführung von Befestigungsarbeiten 40 Mark Silber auszufolgen.

Johannes de Hwnyad comes Bistriciensis et cetera venerabili et nobili viris Nicolao archidiacono de Kwkwlwar et Georgio Henkel exactoribus argenti regalis in partibus Transsiluanis constitutis salutem et honorem. Nostis quia civitas Cibiniensis est in illis partibus confinia plurimasque ruinas passa aliquid adpraesens maxime indiget levationis. Ad cuius renovationem¹⁾ de dictis proventibus argenti eidem civitati declinavimus quadraginta marcas argenti et si diceritis quod ex eo istam declinationem faceremus, ut domino regi exigerentur. Si dominus rex de vobis ipsas in rationem non reciperet, promittimus vobis quod de propriis nostris eas vobis persolvemus. Rogamus ergo vos²⁾ vobisque nihilominus³⁾ stricte committimus, quatenus statim habitis praesentibus praedictas quadraginta marcas argenti eidem civitati reddere velitis et debeatis, ut ruinam eiusdem cum eisdem renovent⁴⁾ et aliud non facturi, praesentes tandem erga nos pro expeditione teneatis. Datum in Kwzeg, feria quinta proxima ante festum beati Andreae apostoli, anno domini M^o CCCC^o L quarto.

Von der Kanzlei: Commissio propria domini comitis Bistriciensis.


1) Vorlage: renuationis.^{^}
2) Gebessert aus vobis.^{^}
3) Hierauf durchgestrichen nobis. ^{^}
4) Vorlage renuent. ^{^}