Urkunde Nr. 2945 aus Band V
- Seite im UB:
- 473
- Druckvorlage:
- nach Abschrift
- Abdruck als:
- Volltext
- Sprache:
- Latein
2945
Hermannstadt 1454 Dezember 9 Die Sieben Stühle beurkunden zwei Zeugenaussagen in Angelegenheit der von den Deutsch-Pienern in Pianul de Sus / Rumänisch-Pien gekauften Besitzanteile. Beglaubigte Abschrift aus dem Jahre 1787 von Philipp Scheidel, Pap. früher Archiv der Stadt Sebeş.
Druck: Programm Mühlbach (
») 1881/82, 65 Ub. Nr. 12.
Nos iudices et iurati seniores septem sedium Saxonicalium partium Transsiluanarum. Quod cum nos die datarum praesentium ad instantiam providorum Michaelis Ludvich et Simonis Nidvich de Peen Saxonicali videlicet suis et iuratorum ac ceterorum hospitum de eadem nominibus et in personis coram nobis constitutorum honestas dominas Margaretham consortem Georgii Ehrhardi et Barbaram relictam Ladislai Schreiberii de Cibinio de infra scriptis requisissemus, ex tunc praefata domina Margaretha recognovit, qualiter ipsa triginta duas marcas argenti praefatis hospitibus de Peen Saxonicali pro solutione portionis possessionariae villae Olachicalis Peen vocatae per quendam Laurentium Hahn ipsis venditae accommodasset. Dicta vero domina Barbara recognovit, quod providus Martinus Ulrich portionem ipsius dominae Barbarae, quam eadem in praefata villa Olachicali Peen vocata habuisset, pro certa pecunia, per dictum quendam Martinum Ulrich vitricum videlicet eiusdem plenarie percepta iusto titulo venditionis assignasset, vendidisset et appropinquasset. In cuius recognitionis seriem praesentes literas nostras sigillo nostro minori provinciali assignatas praefatis hospitibus de Peen Saxonicali uberiorem ipsorum ad cautelam duximus concedendas. Datum Cibinii in nostra generali iudiciaria congregatione secunda die festi conceptionis beatae Mariae virginis gloriosae, anno domini millesimo quadringentesimo quinquagesimo quarto.