Urkunde Nr. 2948 aus Band V

Seite im UB:

474-475 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.II (Inventar 26), Nr. 159.

Druckvorlage:

nach Original

Abdruck als:

Volltext

Sprache:

Latein

---

2948

Peterwardein 1454 Dezember 19 Die Prälaten, Reichsbarone und Edelleute von Ungarn fordern die Sachsen der Sieben Stühle auf, zu dem am 20. Januar stattfindenden wichtigen Reichstag ihre Vertreter zu schicken. [S. 475]

Raphael episcopus Colocensis, Andreas episcopus Quinqueecclesiensis, Johannes de Hwnyad comes perpetuus Bystriciensis ac capitaneus regni Hungariae generalis, Ladislaus de Gara eiusdem palatinus, Nicolaus de Wylak vaivoda Transsiluanus et Johannes de Korugh banus¹⁾ Machoviensis ceterique praelati, barones et nobiles huius regni Hungariae nunc in Waradino Petri congregati, providis et circumspectis universis et singulis Saxonibus septem sedium Saxonicalium partium Transsiluanarum salutem et amicitiam debito cum honore. Rediens novissime a serenissimo domino nostro rege reverendus in Christo pater dominus Johannes episcopus Waradiensis, secretarius, cancellarius serenitatis suae unacum nonnullis aliis oratoribus eiusdem serenitatis plura ad nos mandata detulerunt, in quibus inter cetera de modo ingressus suae serenitatis in hoc regnum et generali exercitu contra Turcos faciendi, pro quo plura et magna iam subsidia a principibus Almaniae conquisivisse serenitas sua²⁾ intimat, per nos responsionibus optat vultque serenitas sua, pro his et aliis rebus, quam iidem oratores detulerunt, unam congregationem praelatorum, baronum et procerum huius regni sui celebrari, prout ex literis eiusdem serenitatis cum praesentibus vobis exhibendis plenius accipietis. Et cum ad terminum in dictis literis domini nostri regis expressum propter eius brevitatem regnum hoc comode congregari non posse visum fuit, ideo communi omnium consilio ac etiam de praetactorum oratorum assensu praetactam congregationem nostram ad quindecimum diem festi Epiphaniarum domini nunc venturi³⁾ prorogantes fraternitates vestras hortamur, requirimus et quantum possumus rogamus, quatenus iuxta mandatum et literas praefati domini nostri regis quatuor ex vobis, vel quot ultra volueritis, bonos viros ad praetactum quindecimum diem Budam cum pleno mandato mittere velitis, ut cum illis et aliis fratribus nostris congregandis tam praefato domini nostro regi respondere, quam de facto praectati generalis exercitus tractare et concludere valeamus. Aliud iterum rogamus, quod non faciatis et terminum ipsum non negligatis, quoniam iudicio nostro nusquam ad memoriam hominum hoc regnum maiora et utiliora negotia tractanda habuit, quam ea, quae in ipsa conventione erunt concludenda. Datum in Waradino Petri praedicta feria quinta proxima ante festum beati Thomae apostoli, anno domini millesimo quadringentesimo quinquagesimo quarto.


a) Seitenumbruch nach Kopfregest.^{^}

1) Vorlage bani.^{^}
2) Gebesert aus suas.^{^}
3) Januar 20.^{^}