Urkunde Nr. 2954 aus Band V

Seite im UB:

279-280

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 161.

Druckvorlage:

nach Original

Abdruck als:

Volltext

Sprache:

Latein

---

2954

Breslau 1455 Januar 22 König Ladislaus beauftragt Johannes von Hunyad, die Sachsen der Sieben Stühle in ihrem Wald- und Grundbesitz gegen Übergriffe des Adels zu schützen und den Adel an die ordentliche Gerichte der Sachsen bzw. im Wege der Weiterklage an das königliche Gericht zu verweisen.

Von der Kanzlei: Commissio propria domini regis.

Ladislaus dei gratia Hungariae, Bohemiae, Dalmaciae, Croaciae et cetera rex ac Austriae et Stiriae dux necnon marchio Morauiae et cetera fideli nostro spectabili et magnifico Johanni comiti Bystriciensi supremo capitaneo regni nostri Hungariae salutem et gratiam. Magna cum disciplicentia percepimus querelas Saxonum nostrorum septem sedium partium nostrarum Transsiluanarum nobis intimatas, quomodo quidam nobiles dictarum partium nostrarum Transsiluanarum et praesertim Johannes Greb de Wyngarth magnas quantitates silvarum ad sedem nostram Zazsebes, nobiles vero de Bolya magnam quantitatem terrarum et foenetorum ad villam nostram Hywhalam, Sykws autem de Rakus magnum territorium ad villam nostram Streythfarth appellatas, spectantes et pertinentes pro se occupassent et conservarent occupatas. Item Nicolaus de Gerend multos porcos ac pecora et pecudes de terra nostra regali abstulisset¹⁾, Petrus filius Georgii et Michael filius Johannis ac Dominicus de Pethky ac nonnulli Wolachi praefatis exponentibus per furta et latrocinua et alios actus potentiarios diversa dampna et nocumentorum genera hactenus intulissent et dietim inferre non cessarent in nostrum praeiudicium manifestum. Unde nos talismodi actus potentiarios [S. 480] et praesumptuosos peramplius tollerare nolentes fidelitatem vestram attente requirimus eidem firmiter committendo, quatenus attendatis ad illas partes, ne terrae et silvae nostrae sic indebite alienentur a sedibus et villis nostris regalibus praedictis, sed committatis annotatis nobilibus verbo nostro, quibus et nos praesentium serie committimus, ut ipsi remittant praefatas silvas et terras nostras regales per eos ut praedicitur potentialiter occupatas et satisfaciant de dampnis illatis. Et si ipsi nobiles aliquid actionis et causae contra praenotatos Saxones nostros ratione quorumcumque negotiorum habent, id coram eorum iudicibus ordinariis, aut ab eisdem per legitimam appellationem in personali praesentia nostrae maiestatis legitime prosequantur, quos exponentes a facie iuris nolumus custodire. Et in his sic agatis, quod per amplius dicti exponentes pro defectu iustitiae nobis non cogantur quoquomodo querulari. Et aliud non facturi. Praesentes quoque perlectas reddentes praesentati. Datum Wratislauiae in festo beati Vincencii martiris, anno domini millesimo quadringentesimo quinquagesimo quinto, regnorum autem nostrorum anno Hungariae et cetera quintodecimo, Bohemiae vero secundo.

Unter dem Siegel Kanzleivermerk.


1) Über der Zeile nachgetragen. Vorlage abstulissent. ^{^}