Urkunde Nr. 2956 aus Band V

Seite im UB:

481-482

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

2956

1455 Januar 25 Der Konvent von Kolozsmonostor bezeugt, dass die Gemeinschaft der Ungarn in der Petergasse in Klausenburg Anspruch auf die Bestellung ihres Geistlichen und auf die Einkünfte einer Mühle erhebt.

Nos conventus monasterii beatae Mariae virginis memoriae commendamus tenore praesentium significantes quibus expedit universis, quod providi et honesti viri Nicolaus Nylas ac Martinus Kadar in civitate Colosvar necnon Michael Varga in possessione Gyalo item Ladislaus et Gregorius Csontos dicti in Zamosfalva commorantes satis senilis ac provectae et decrepitae aetatis ad instantem petitionem universorum hospitum et incolarum ac totis communitatis Hungaricae nationis extra castrum seu ambitum muri dictae civitatis in Zenthpeter uczaya residentium nostram venientes in praesentiam non terrore seu timore coacti vel compulsi nec odio ac rumoris invidia moti nec favore permolliti sed puri propter deum ac eius iustitiam meritu< >¹⁾ ad fidem eorum quam deo creatori omnium eiusque genitrici ac omnibus sanctis inviolatum conservare tenentur penitus in ullo discrepantes sed pari voce et unanimi relatu ex deliberato animo ac propria ac bona conscientia et voluntate fassi et attestati extiterunt in hunc modum. Quod ipsis bene constaret ac verissime scirent et optime ad eorum memoriam revolverent quod a primaevis temporibus semper ecclesia beatorum Petri et Pauli apostolorum in dicta Zentpeter uczaja constructa per se parochialis ecclesia illorum populorum de eadem immo primordialis et capitalis ecclesia praefuisset et per consequens dictus populus et communitas discetam idoneam et hominibus placibilem et per omnia sufficientem prout communi ipsorum voluntati placuisset ius plebanum, qui ipsis omnia sacramenta ecclesiastica divinaque officia singulis diebus noctibusque et temporibus opportunis iuxta ritum sacrosanetae ecclesiae Romanae et fidei catholicae peregisset ac administrasset seu administrari fecisset eligendi, praeficiendi et instituendi plenam et omnimodam habuissent facultatem; qui vero plebanus ipsorum in ea domo, qua pro nunc Johannes Zuchaky dictus inhabitaret prope eandem ecclesiam a parte fluvii Zamos in acie habita personalem ac specialem habitationem seu residentiam habuisset ibidem, quod tempore serenissimi principis domini Ludovici regis Hungariae et felicis reminiscentiae praefati hospites et incolae ac tota communitas multimodis ac multiphariisque precibus et intercessionibus ab eodem domini Ludovico rege quendam locum molendini in iamdicto fluvio Zamos prope praedictam ecclesiam ad sustentationem et utilitatem eiusdem ecclesiae impetrassent ipso quoque domino Ludovico rege per omnia gratiose conservari obtinuissent et quod quondam providi viri Petrus Thamasy ac Nicolaus Zurya et Johannes Geude in dicta Zenthpeter uczaya commorantes ob speciem et specialem devotionem [S. 482] quam ob beatissimos Petrum et Paulum apostolos habuissent, ipsorumque ac progenitorum eorum animarum salutem in dicto loco novo ab ipso rege impetrato molendinum trium rotarum ad utilitatem praefatae ecclesiae et inopiarum eiusdem sublevamen propriis ipsorum expensis ac sumtibus denuo construxissent et aedificassent quidem Petrus Thamasy et cetera vita ipsorum durante ipsis populis de dicta Zenthpeter consentientibus pro recompensatione aliquali eorum expensarum fructus eiusdem molendini percepissent, tandem divino nutu disponente praedicto Petro Thamasy et cetera temporum in processu ab hac luce decedentibus in ultimaque eorum voluntate dictum molendinum cum omnibus et singulis suis proventibus, fructibus et obventionibus perpetuo et irrevocabiliter ac omni plenitudine iuris et dominii dictae ecclesiae legavissent et commisissent tenendum et cetera. Et ex post successive praenominatae eiusdem ecclesiae dictum molendinum multis temporibus tenuissent ac fructusque et obventiones eiusdem percipiendo pro structura saepefatae ecclesiae ac dicti molendini et quibusvis necessitatibus eiusdem ecclesiae expendissent et administrassent et non multis retrolapsis temporibus plebani ecclesiae beati Michaelis archangeli in saepedicta civitate Koloswar intra murum constructae nescitur quali ex causa dictum molendinum pro se ipsis minus iuste et indebite potentialiter occupassent immo etiam modernus plebanus eiusdem ecclesiae beati Michaelis archangeli uteretur de praesenti. In cuius rei testimonium praesentes literas nostras duximus concedendas. Datum sabbatho videlicet in festo conversionis beati Pauli apostoli, anno domini MCCCCLV.


1) Lücke.^{^}