Urkunde Nr. 2961 aus Band V

Seite im UB:

486-487

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Erwähnung / auszugsweiser Einschaltung

Abdruck als:

Volltext

Sprache:

Latein

---

2961

1455 Februar 22 Das Ofener Kapitel bezeugt dass Andreas Lepes de Waraskezy seine Besitzanteile in Alămor / Mildenburg, Armeni, Cunţa / Zekeschdorf, Bia, Kleinblasendorf und in zahlreichen Gemeinden des Hunyader Komitates gegen die Hälfte der Besitzungen Leta und Kokad, die Hälfte der Letaer Zolleinnahmen und 200 Goldgulden an Johannes von Hunyad abgetreten hat.

Quarum prima videlicet dicti capituli ecclesiae Budensis cambialis in festo cathedrae beati Petri apostoli anno domini millesimo quadringentesimo quinquagesimo quinto privilegialiter exorta explicabat, quod praefatus quondam Andreas Lepes filius Johannis de Waraskezy onera et qualibet gravamina Johannis et Michaelis Lepes dictorum filiorum quondam Lorandi vaivodae de eadem Waraskezy fratrum suorum patruelium et aliorum quos infra scriptum concerneret negotium super se ac cunctos hereditates possessiones resque et bona mobiles et immobiles recipiente ab una parte vero ex altera praefatus [S. 487] quondam Johannes de Hunyad comes perpetuus Bystriciensis modo simili onera et gravamina Ladislai et Mathiae filiorum suorum ad infra scripta in se assumendo coram ipso capitulo personaliter constituti confessi exstitissent et retulissent in hunc modum, quod ipse scilicet Andreas Lepes totales portiones suas possessionarias hereditarias in possessionibus Alamor, Zekes ac Consfalwa in Albensi necnon Thewrek, Chokmo, Alsowarasvyze, Felsewarasvyze, Bwchyn, Lwdasd, Kostosd, Pwthynyl in Hunyad, item Benye et Balastelke vocatis in de Kykellew partium Transsiluanarum comitatibus existentibus simul cum patronatibus ecclesiarum ac aliis cunctis utilitatibus et pertinentiis earundem literis in eisdem expressis et specificatis praefato Johanni comiti ac Ladislao et Mathiae filiis suis ipsorumque heredibus et¹⁾ posteritatibus universis nomine concambialis permutationis pro directa et aequali medietate possessionum dicti comitis Johannis Letha et Kakath vocatarum ac praediorum ad easdem pertinentium necnon medietate tributi in Leta praedicta exigi soliti omnino in comitatu Byhoriensi existentium cunctarumque pertinentiarum et utilitatum earundem quocumque nomine censerentur necnon ducentis florenis auri veri et iusti ponderis Hungaricalibus plene ab eodem comite Johanne habitis et receptis dedisset, donasset et contulisset. E converso autem idem comes Johannes praetactam medietatem antedictarum possessionum Letha et Kakath vocatarum ac praediorum ad easdem pertinentium simul cum medietate dicti tributi cunctisque earundem utilitatibus et pertinentiis quibuslibet praefato Andreae Lepes suisque heredibus universis praemisso nomine concambialis permutationis simul cum ducentis florenis auri praedictis dedisset, donasset et contulisset iure perpetuo et irrevocabiliter fruendo, possidendo pariter et habendo sub expeditoriis cautionibus et obligaminibus literis in eisdem expressis et specificatis.


1) Hierauf nochmals et.^{^}