Urkunde Nr. 2979 aus Band V

Seite im UB:

499-500 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 138.

Druckvorlage:

nach Original

Abdruck als:

Volltext

Sprache:

Latein

---

2979

Wien 1455 Juli 2 König Ladislaus befiehlt den Sachsen des Burzenlandes und von Kronstadt, dem Grafen von Hermannstadt Johannes Lemmel den diesjährigen Martinszins auszufolgen. [S. 500]

Von der Kanzlei: Commissio propria domini regis.

Ladislaus dei gratia Hungariae, Bohemiae, Dalmaciae, Croaciae et cetera rex Austriaeque et Stiriae dux necnon marchio Morauiae et cetera fidelibus nostris universis et singulis iudicibus, senioribus, villicis ceterisque Saxonibus terrae Barcensis et civitatis nostrae Brassouiensis partium nostrarum Transsiluanarum salutem et gratiam. Quia nos pro exigendo censu nostro regali anni praesentis circa festum beati Martini confessoris fisco nostro regio de vestri medio in argento provenienti fidelem nostrum egregium Johannem Lemmel, comitem Cibiniensem, aulae nostrae militem et familiarem specialem nobis sincere dilectum duximus deputandum. Ideo fidelitati universitatis vestrae et vestrum cuiuslibet praesentium serie firmissime praecipimus et mandamus, omnino sic habere volumus, quatenus huiusmodi census sancti Martini anni praesentis ut praemittitur de medio vestri in argento nobis provenientes praefato Johanni Lemmel nostro nomine a vobis levanti et nemini alteri tempore debito sine omni difficultate ac dissimulatione et renitentia aliquali more solito plenarie integreque ac sine defectu persolvere debeatis, aliis literis nostris forsan harum in contrarium datis vel dandis non obstantibus quibuscumque, ut idem Johannes Lemmel census seu argentum huiusmodi iuxta informationem nostram per nos sibi superinde datam eo celerius ad cameram nostram regiam valeat administrare, praesentes facta solutione pro vestri erga vos reservantes expeditione. Secus non facturi in praemissis gratiae nostrae sub obtentu. Datum Wiennae in festo visitationis beatae Mariae virginis gloriosae, anno domini millesimo quadringentesimo quinquagesimo quinto, regnorum autem nostrorum anno Hungariae et cetera sexto decimo, Bohemiae vero secundo.


a) Seitenumbruch nach Kopfregest.^{^}