Urkunde Nr. 2980 aus Band V
- Seite im UB:
- 500-501
- Heute in:
- Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]
- Heutige Signatur:
- Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 137.
- Druckvorlage:
- nach Original
- Abdruck als:
- Volltext
- Sprache:
- Latein
2980
Ofen 1455 Juli 14 Johannes von Hunyad gebietet den Bewohnern von Kronstadt, ihrem Stadtrat alle Ehre zu erweisen und in Zukunft Drohungen zu unterlassen. Orig. Pap. Arh. St. Braşov, Priv. 137. Siegel, rund, in rotes Wachs, papierbedeckt, vorne aufgedrückt. Derselbe Stempel wie Nr.
»2844.
Johannes de Hwnyad, comes perpetuus Bistriciensis, circumspectis et providis viris toti communitati civium et populorum civitatis Brassouiensis salutem et dilectionem. Ad nostram audientiam et notitiam pervenit manifeste, quomodo nonnulli et certi forent ex vobis, qui quadam arrogantia elati et cum timore postposito vestris iudicibus et iuratis necnon consilio nullum honorem sed omnem irreverentiam facere in locis publicis et exhibere consuevissent, immo quod deterius est eisdem minas imponerent et imponeretis indefesse in opprobrium dictorum virorum iudicum et iuratorum necnon consilii non modicum. Et quia tales actus indebitos modis omnibus evitari et a talibus vos abstinere deberetis, unde vobis harum serie in persona domini nostri regis firmiter committimus et mandamus, quatenus a modo deinceps praefatos iudicem et iuratos necnon consilium honorifice tenere et tractare eisdemque favorem, honorem et reverentiam exhibere debeatis et nec aliquas minas eisdem imponere praesumatis. Qui vero ex vobis in contrarium huius aliquid attentaverit in posterum tales cum omnibus rebus et bonis necnon capitibus solvent [S. 501] taliter ut alii inde exemplificati a talibus actibus se abstinebunt. Secus ergo non facturi. Datum Budae feria secunda proxima post festum sanctae Margaretae virginis et martyris, anno domini millesimo quadringentesimo quinquagesimo quinto.