Urkunde Nr. 2983 aus Band V

Seite im UB:

501-503

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 31.

Druckvorlage:

nach Original

Abdruck als:

Volltext

Sprache:

Latein

---

2983

Hermannstadt 1455 August 4 Der öffentliche Notar Urbanus Petri von Steinau macht dem Pfarrer Gregor von Brenndorf alle Weiterungen bekannt, die sich aus dem Prozess des früheren Brenndorfer Pfarrers Nikolaus mit seiner Gemeinde ergeben haben, und bezeugt die friedliche Beilegung der Angelegenheiten.

In nomine domini amen¹⁾. Anno nativitatis eiusdem millesimo quadringentesimo quinquagesimo quinto, indictione tertia, die vero lunae, quarta mensis Augusti, hora sextarum vel quasi, pontificatus sanctissimi in Christo patris et domini nostri domini Calixti divina providentia papae tertii anno eius primo, [S. 502] in palatio inferiori domus dotis parochialis ecclesiae gloriosissimae virginis Maria oppidi Cibiniensis Strigoniensis iurisdictionis praesentibus infrascriptis testibus personaliter constitutus honorabilis vir dominus Gregorius baccalaureus in decretis, plebanus de Bothfalwa alias Bringendorff dicta, districtus Brassouiensis Strigoniensis iurisdictionis annotatae, me infrascriptum publicum notarium debita cum instantia requivisit et supplicavit, quatenus intuitu dei omnipotentis et eius iustitiae, prout ego notarius debite requisitus omnia acta et actuata iudiciaria inter honorabilem virum dominum Nicolaum alias plebanum de Bothfalwa, villicum, iuratos, senatores et totam communitatem eiusdem villae tam coram egregiis discretisque viris dominis Anthonio decretorum doctore de Cybinio, Valentino de Schellenberg tunc decano, et Valentino de Purgberg, ecclesiarum parochialium rectoribus et plebanis reverendissimisque in Christo patris et domini domini Dyonisii inter ceteros honores et dignitates archiepiscopi Strigoniensis primo, deinde vero etiam coram domino Erasmo licentiato in decretis tunc commissario eiusdem domini archiepiscopi Strigoniensis orta, mota et ventilata, deindeque in bonum laudabilem arbitramentarium seu arbitratorium finem et concordiam deducta et firmata conscripsissem, notassem et in actis conservavissem inter cetera acticata finem et punctum huiusmodi causae conclusionis de actis huiusmodi extrahere et sibi dare dignaretur iuris sui suorumque parochianorum ad cautelam. Ego quidem infrascriptus publicus notarius petitionibus annotati domini Georgii legitimis, ordinatis et rationi consonis fore consilio iurisperitorum invocato infrascript a m clausulam²⁾ seu punctum conclusionis totius litigii litis et negotii nullo scrupulo seu scrutillula futurorum litium in ea parte omissis sibi tradidi et assignavi in haec verborum forma. Die¹⁾ vero¹⁾ sabbati¹⁾ octavo mensis Februarii omnibus negotiis inter praedictas partes habitis, conclusis, arbitratis et acuratius practicatis omnesque discordiae tam inter dominum Erasmum iudicem commissarium et magistrum Fredericum Pybersteyn, item inter dominum Valentinum decanum et dominum Erasmum, item inter dominum Nicolaum alias plebanum de Bothfalwa et dominum Erasmum, item inter dominum Nicolaum et Servatium procuratorem patris adversae et suos consodales tunc in Cybinio existentes ex parte remotionis et depositionis appellationis de valvis ecclesiae Cybiniensis, item inter dominum Valentinum decanum, qui voluit habere centum ducatos ab ipsis appellationis depositoribus et propter violentiam factam in ecclesia Cybiniensi, videlicet a Servatio procuratore et suis consodalibus, quos idem dominus decanus in cellario suo per noctem detentos in captivitate servavit, item inter iam dictum Servatium procuratorem et suos socios et Eobanum notarium publicum ipsius Friedrici, qui dicebat se ab eisdem fore molestatum, omnia illa per supplicationes honorabilium virorum dominorum Anthonii decretorum doctoris plebani Cybiniensis, Jacobi pridem magistri civium, Johannis Breyden vitrici ecclesiae et iurati civis et mei Urbani notarii aliorumque dominorum tunc praesentium amicabiliter et in toto sunt sedata tam ecclesiae reconciliationis, quam ut puta laesionis domino Nicolao ut dicebatur factarum. Nam idem dominus Anthonius doctor et plebanus et Erasmus licentiatus in decretis iuxta eorum videre declaraverunt, ex quo ipsa ecclesia Cybiniensis sanguine humano non foret polluta de reconciliatione minime indigeret. Acta et data sunt haec anno, indictione, die, mense, hora, loco et pontificatu quibus supra praesentibus ibidem honorabilibus viris dominis Michaele de Nadasd praedicatore, Gregorio de Meyerpoth, Jacobo Parvo de Cybinio et Wenczeszlao testibus ad compositionem vocatis et rogatis, capellanis in Cybinio sed Petro Buzd et Gregorio de Meyerpoth et Johanne de Syvynschyr artium baccalaureo Strigoniensis iurisdictionis et Transsilvanensis dyocesis testibus ad praemissa vocatis et rogatis. [S. 503]

Notarzeichen. Et ego Urbanus Petri de Stynawia, clericus Wratisslauiensis dyocesis publicus papali ac imperiali auctoritatibus notarius, quia praedictorum actuum notationem punctum concordiae petitionem dationem omnibusque aliis et singulis praemissis dum sic ut praemittitur fierent et agerentur, una cum suprascriptis duplicibus testibus praesens fui eaque sic fieri vidi et audivi. Ideo praesens publicum instrumentum propria mea manu scriptum publicavi et in hanc formam publicam redegi et exinde confeci signoque et nomine meis solitis et consuetis roborando consignavi rogatus et requisitus in fidem et testimonium omnium praemissorum.


1) In verlängerter Schrift. [4x]^{^}
2) Auf Rasur.^{^}