Urkunde Nr. 2984 aus Band V

Seite im UB:

503-504

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

2984

Wien 1455 August 10 Der Kronstädter Gesandte Pfarrer Johannes Reudel berichtet dem Rat von Kronstadt über seine Unterhandlungen mit dem Grafen Cilli und mit König Ladislaus sowie über die hochpolitischen Vorgänge in Wien.

Devotae orationis constantiam simulcum honoris debita exhibitione sedulae praemissam. Circumspecti viri ac fautores mihi semper honorandi. Pridem temporibus elapsis memini me vestrae dominationi scripta mea cum famulo domini Casparis videlicet Andrea transmisisse in quibus vobis multifaria avisamenta inserui et praetextu quomodo aliqui, quorum nomina obticeo de regno Vngariae non de mediocribus neque minimis sed fere de maximis sub rosa et sub colorato quodam negotio auribus domini regis incultare laborarunt extrema diligentia, ut castrum obtinere possent super quo per quendam mihi multum fidelem cautulose fui praemunitus, teste veritate non multam moram trahens cum uno munusculo valente citra III florenos auri comitem Ciliae diligentissime accessi non modicum eisdem sugessi petitionibus quibuscumque ac amonitionibus salubribus, ut causa dei tantum malum impediret et nequapuam consentiret enumerans et multiplicia et maxima mala, quae exinde possent haut dubium evenire non dumtaxat incolis civitatis, verum etiam toti patriae et signanter regiae maiestati. Qui primo satis dure mihi respondit obprobiose improperando in haec verba: Domine plebane. Saepius domino nostro regi gratiosissimo proponere non formidastis de magna fidelitate et probitate vestrorum omnium quam singulariter erga suam regiam maiestatem gererent cuius oppositum in effectu reperimus, unde iam scimus eos constitui cum gubernatore quem iam iteratis vicibus decentibus muneribus honorarunt regiae maiestati in grave obprobrium et non parvum dispendium. Cum ipse personalis regiae maiestatis adversarius se esse usque huc ostendit haec et alia multa improperando obiecit quibus non ut credo ex proprii capitis sensu sed magis ex sancti spiritus instinctu satis benigne respondi ita, ut etiam miraretur, recipiens me cum manu et duxit me ad sequestram domini regis habitationem quia in ducalis solio castri haec contingebant cui flexo genu extenta et satis lamentabili voce precibus latioribus, quibus valui, supplicavi ut hoc malum sua regia maiestas dignaretur avertere. Qui accelerando accedens ap-[S. 504] praehenderet me cum manu et trahens me de terra haec inquiens verba: Domine plebane, decane securus sitis, ut hoc in vita nostra nunquam fiet, attamen vestri civitatenses satis inconvenienter cum nobis, ut audimus, faciunt ut caput deserunt et caude inherent, cui loco mei comes Ciliae respondit iuxta prius eidem responsa. In praesentia huius rei fuit comes Ciliae¹⁾, Nicolaus truxes marschalcus et ego. Cum hiis duobus communi fere negotio tractavi ita ut sperassem si aliquis affuisset negotium sortitum fuisset bonum finem. Haec facta fuerunt in vigilia sancti Jacobi²⁾ in hiis et singulis aliis honorem et incrementum vestrum concernentibus diligentiori studio et propensiori cura haud dubium curabo adimplere novitates hae sunt: In die Mariae de nive³⁾ rex convocare misit hora prima omnes nobiles et praelatos totius Austriae, qui ad diem sancti Steffani inventionis⁴⁾ ad dietam in Wyenna celebrandam convenerunt et in castro ducali misit publicare treugas inter eum et imperatorem ac inter eum et dominos de Vngaria et inter cetera pronuntiare misit, quomodo inter duo festa assuntionis et nativitatis virginis gloriosae se ad Vngariam esset translatus, nisi notabile impedimentum superveniret et quomodo Vngari omnia castra sibi in manus suas tradere et assignare et in singulis obedire tamquam domino essent parati. Et quomodo tempore medio cum imperatore pacis fedus omnibus controversiis postpositis esset initurus haec et plura alia fuerunt publice in castro coram milibus hominum vel supra pronuntiata. Ex quibus omnibus sperandum est de bona pace. Etiam lecta fuit litera domini papae, quam de novo ipse Calixtus III-us misit maiestati regiae ad inducendum eum contra Turcos, quod adimplere dominus rex proprio ore pollicitus est coram eadem multitudine hominum nisi talia impedimenta supervenirent regno, ut hoc adimplere non posset. Comes Ciliae recessit a rege in die sanctae Praxedis virginis⁵⁾ et est in castro Posoniensi, quia imperator non vult inire concordiam nisi prius de curia regiae maiestatis fuerit ammotus, quod et factum est. Deinde et postremum committo et recommendo vos domino deo, qui cuncta ordinat ad nutum suae divinae voluntatis, qui convertat corda vestra ad pacem et concordiam, qui omnia quae facit in vero iudicio facit cuius inperscrutabilis iustitiae latitudo nullis inclusa limitibus nullisve terminis comprehensa recti censura iudicii celestia pariter disponit et terrena. Ex Wyenna die dominica sancti Laurencii martiris, anno domini M^o CCCC^o LV^o.

Magister Johannes Rewdel plebanus Brassouiensis, vester exorator.

Auf der Rückseite Adresse: Circumspectis ac sagacis peritiae viris iudici ac iuratis senioribus civitatis Brassouiensis fautoribus ipsius sincere honorandis.


1) Cili.^{^}
2) Juli 24.^{^}
3) August 5.^{^}
4) August 3.^{^}
5) Juli 21.^{^}