Urkunde Nr. 2996 aus Band V

Seite im UB:

512

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 32.

Druckvorlage:

nach Original

Abdruck als:

Volltext

Sprache:

Latein

---

2996

1455 Dezember 10 Johannes Lemmel, Graf von Hermannstadt, bestätigt, von Richter und Rat von Kronstadt und des Burzenlandes den Martinszins für das laufende Jahr unter Einrechnung der für besondere Zwecke verwendeten Beträge eingehoben zu haben.

Nos Johannes Lemmel, comes Cybiniensis, aulae regiae miles, memoriae commendantes significantes per praesentes, quod a providis et circumspectis viris iudicibus iuratisque civibus civitatis Brassouiensis et terrae Burcensis de censu festi sancti Martini confessoris anni praesentis phisco regio in argento fino provenire debenti mediantibus literis regalibus eiusdem iudicibus loquentibus et mandantibus de solutione eorundem censuum centum marcas viginti duas et mediam ponderis incliti regis Belae recepimus et tulimus. Item praefati iudices octo marcas eiusdem ponderis iuxta dispositionem serenissimi quondam principis et domini, domini Sigismundi recolendae memoriae ob missarum sollemniis per plebanum Brassouiensem et suos capellanos in monte sancti Martini peragendos, duas vero marcas pro pauperibus in hospitali degentibus dederunt et realiter assignaverunt. Item decem marcae per nos sub sigilii clausura sunt repositae et in manibus praefatorum iudicum habitae, quae dandae sunt religiosis fratribus in monasterio sanctorum apostolorum Petri et Pauli, si consensus regius super istis obtinebitur. Item octo marcae et media propter combustionem oppidi Rosnaw ipsius inhabitatoribus per spectabilem dominum Johannem de Hwnyad, comitem Bistriciensem, sunt relaxatae, quae simul computatae faciunt marcas centum et quinquaginta de quibus singulis praefatos iudices nomine regiae maiestatis redo quitos pariter et expeditos praesentium literarum nostrarum testimonio mediante. Datum feria quarta proxima post festum conceptionis Mariae, anno dominii M^o CCCC^o LV^o.